telangana
సాధన అద్వితీయమైన శక్తి
సూర్య కరీంనగర్ : సాధన అద్వితీయమైన శక్తి అది చీకటి నుండి వెలుగులోకి నడిపిస్తుందని దత్తపీఠం ఉత్తమ శ్రేణి పురస్కార గ్రహితలు కె.నర్మద లక్ష్మిపతి అన్నారు. ఆదివారం కరీంనగర్‌లోని ఎస్‌బిఎస్‌ సెలెస్టియాలో విఎన్‌ఆర్‌ చారిటబుల్‌ ట్రస్ట్ ఆధ్వర్యంలో ఉచిత శ్రీ భగవద్గీత శ్లోక పఠన తరగుతులును విశ్వహిందూ పరిషత్‌ కరీంనగర్ జిల్లా అధ్యక్షులు ఇ.మధుసూదన్‌ రావు ప్రారంభించారు. ఈ శిక్షణ తరగుతుల శిక్షకురాలు కె.నర్మద ప్రసంగిస్తు సాధనాజగత్తులో జాడ్యానికి, సోమరితనానికి తావుండదన్నారు. ధ్యానంతో మమేకమయ్యే సాధకుడు ఆనందాన్ని పొందుతాడని అది ఒకరి ద్వారా పొందేది కాదని ఆనందం ఎవరికి వారే ఆ స్ధితిని సాధించుకోవాలన్నారు.ఈ సందర్భంగా విద్యార్ధులకు శ్రీ భగవద్గీత పుస్తకాలను ఉచితంగా అందజేసారు. విఎన్‌ఆర్‌ చారిటబుల్‌ ట్రస్ట్ వ్యవస్ధాపక అధ్యక్షులు వేములవాడ ద్రోణాచారి అధ్యక్షతన జరిగిన ఈ కార్యక్రమంలో ప్రజ్ఞాభారతి జిల్లా అ««ధ్యక్షులు సిఎ నిరంజనాచారి, వారాహి పీఠాధిపతి పురోహిత్‌ వై.రాకేష్‌ శర్మ, 57వ డివిజన్‌ కార్పోరేటర్‌ కె.రమ్యశ్రీ, శ్రీనివాస్, వి.కమల, శశికాంత్, శ్రీకాంత్, సిరిచందనతోపాటు విద్యార్ధులు వారి తల్లిదండ్రులు పాల్గోన్నారు.
