యువకులను నిండా ముంచిన రేవంత్ రెడ్డి ప్రభుత్వం

సూర్య కరీంనగర్ ;నిరుద్యోగ భృతి ఇస్తామని హామీ ఇచ్చి అధికారంలోకి వచ్చిన రేవంత్ రెడ్డి ప్రభుత్వం యువతను మోసం చేసిందని తెలంగాణ రక్షణ సేన జిల్లా అధ్యక్షుడు గుంజపడుగు హరిప్రసాద్ విమర్శించారు. పార్టీ అధ్యక్షురాలు కల్వకుంట్ల కవిత నాయకత్వంపై నమ్మకంతో యువత పెద్ద సంఖ్యలో పార్టీలో చేరుతున్నారని తెలిపారు.యువ నాయకుడు రాగడి సందీప్ ఆధ్వర్యంలో జిల్లా పార్టీ కార్యాలయంలో నిర్వహించిన కార్యక్రమంలో శనగొండ పవన్ కృష్ణ, దావరి కార్తీక్, జెరిపోతుల నవీన్, మహమ్మద్ అఫ్రోజ్ తెలంగాణ రక్షణ సేనలో చేరారు. వారికి గుంజపడుగు హరిప్రసాద్ కండువాలు కప్పి ఆహ్వానించారు.ఈ సందర్భంగా ఆయన మాట్లాడుతూ నిరుద్యోగులు, రైతులు, పేదలు, మధ్యతరగతి ప్రజల సమస్యల పరిష్కారం కోసం పార్టీ నిరంతరం పోరాడుతుందని తెలిపారు. యువత రాజకీయాల్లోకి వచ్చి పార్టీని క్షేత్రస్థాయిలో బలోపేతం చేయాలని పిలుపునిచ్చారు.ఈ కార్యక్రమంలో నియోజకవర్గ ఇన్‌చార్జి అంకం శివరాణి, నగర అధ్యక్షుడు రంగరవేణి లక్ష్మణ్, జిల్లా యువజన విభాగం అధ్యక్షుడు మడిపల్లి వినీత్, జిల్లా నాయకులు గర్షకుర్తి విద్యాసాగర్, గుంజపడుగు పవన్ కుమార్ తదితరులు పాల్గొన్నారు.