వికసిత్ భారత్ యూత్ పార్లమెంట్ పోస్టర్ ఆవిష్కరణ

సూర్య కరీంనగర్ ;యువతలో నాయకత్వ లక్షణాలు, ప్రజాస్వామ్య విలువలు, రాజ్యాంగ అవగాహన పెంపొందించే లక్ష్యంతో నిర్వహిస్తున్న వికసిత్ భారత్ యూత్ పార్లమెంట్–2027 జిల్లా స్థాయి పోటీల పోస్టర్‌ను అదనపు కలెక్టర్ డా. అశ్విని తానాజీ వాకడే ఆవిష్కరించారు.ఈ పోటీలు నవంబర్ 10న కరీంనగర్‌లోని ఎస్.ఆర్.ఆర్. ప్రభుత్వ ఆర్ట్స్ అండ్ సైన్స్ కళాశాలలో నిర్వహించనున్నట్లు జిల్లా యువజన అధికారి జి. తిరుపతి రెడ్డి తెలిపారు. 18 నుంచి 25 సంవత్సరాల యువతీ యువకులు పాల్గొనవచ్చని, ఈ ఏడాది “వన్ నేషన్–వన్ ఎలక్షన్” అంశంపై కనీసం మూడు నిమిషాలు ప్రసంగించాల్సి ఉంటుందని పేర్కొన్నారు. ఆసక్తి గల అభ్యర్థులు మై భారత్ పోర్టల్‌లో రిజిస్ట్రేషన్ చేసుకోవాలని సూచించారు. జిల్లా స్థాయిలో ఎంపికైన వారికి రాష్ట్ర స్థాయి పోటీల్లో పాల్గొనే అవకాశం ఉంటుందన్నారు.ఈ కార్యక్రమంలో కళాశాల ప్రిన్సిపాల్ ప్రొఫెసర్ కె. రామకృష్ణ, ఎన్‌ఎస్‌ఎస్ ప్రోగ్రామ్ అధికారులు బి. ఎలిజబెత్ రాణి, జి. రాజేందర్ తదితరులు పాల్గొన్నారు.