మురసు తుఫానుతో ఉద్యాన పంటల పరిశీలన.  హెచ్ ఓ అంజలి భాయ్

మాచవరం,  న్యూస్ :పల్నాడు జిల్లా మాచవరం మండలంలోని మల్లవోలు,  పిల్లుట్ల గ్రామంలోని అరటి, మిరప , బొప్పాయి తోటలను మండల ఉద్యాన అధికారిని ఎం. అంజలి భాయ్  మంగళవారం  పరిశీలించి మురసు తుఫాన్ కారణంగా కురిసే వర్షాలలో ఉద్యాన రైతులకు తీసుకోవలసిన జాగ్రత్తలు గురించి మాట్లాడుతూ 

తోటలో నిల్వ ఉన్న నీటిని వీలైనంత త్వరగా బయటకు పంపించే ఏర్పాటు చేయాలన్నారు. అరటి లో విరిగిన చెట్లను రెండు పిలకలువదిలికోసివేయ్యాలన్నారు.అరటి బొప్పాయి తోటల్లో గాలికి చెట్లు పడిపోకుండా కర్రలతో ఊతం ఇవ్వాలన్నారు. వాలిపోయిన మొక్కలను జాగ్రత్తగ నిలబెట్టి మొదలు చుట్టూ మట్టిని ఎగదోయాలన్నారు. అరటి తోటలు నీటి ముంపుతో తోట 2రోజులు ఉన్నట్లయితే వీలైనంత త్వరగా నీరు తీసి వేసి, తోటలను ఆరెలా చేసి చెట్టు ఒక్కింటికి 100 గ్రా యూరియా, 80గ్రా పోటాష్ ఎరువులను వేసుకోవాలన్నారు.ఉరికెత్తిన మిరప పొలంలో మొక్కలు వెంటనే తేరుకోవడానికి లీటర్ నీటికి 10 గ్రాముల యూరియా కలిపిన ద్రావణాన్ని వారం రోజుల వ్యవధిలో రెండు సార్లు పిచికారి చేయాలన్నారు.మొక్కలు వడబడి తలలు వాల్చినట్లయితే లీటర్ నీటికి ఐదు గ్రాముల మెగ్నీషియం సల్ఫేట్ , 19:19:19  5  గ్రాములు కలిపిన ద్రావణాన్ని 4-5 రోజుల వ్యవధిలో రెండుసార్లు పిచికారి చేయాలన్నారు. పై పాటుగా ఎకరానికి అదనంగా 50 కిలోల యూరియా,25 కిలోల మ్యూరేట్ ఆఫ్ పొటాష్ మరియు 200 కిలోల వేప పిండి వేయాలన్నారు. నేల అదునుకు వచ్చిన వెంటనే గొర్రు వేసి అంతర కృషి చేసినట్లయితే త్వరగా ఆరుతుందన్నారు. మొక్కలు తేరుకున్న తర్వాత అవసరాన్ని బట్టి సూక్ష్మ పోషకాల మిశ్రమం 5  గ్రాములు లీటర్ నీటికి కలిపి వారం రోజుల వ్యవధిలో 2-3 సార్లు పిచికారి చేయాలన్నారు.అరటి, బొప్పాయి, మిరప మరియు కూరగాయల తోటల్లో నీరు నిల్వ వుండటం వలన  వేరుకుళ్ళు తెగులు రాకుండా కాపర్ ఆక్సీ క్లోరైడ్ లేదా మాంకోజబ్ లేదా రిడొమిల్ మందు పిచికారి చేసుకోవాలన్నారు . ఈ విదంగా రైతులు వర్షంలో జాగ్రత్తలు తీసుకోవాలని సూచించారు.ఈ కార్యక్రమంలో ఉద్యాన సహాయకులు ప్రభాకర్ రెడ్డి, హనుమంతు నాయక్, గ్రామ రైతులు పాల్గొన్నారు.