వరి ధాన్యం కొనుగోలు కేంద్రం ప్రారంభం

సూర్య, వీణవంక:వీణవంక మండల కేంద్రంలో ఇందిరమ్మ ఇళ్ల పథకం కింద నిర్మించిన నూతన గృహప్రవేశ వేడుకలు, అలాగే ఐకేపీ ఆధ్వర్యంలో ఏర్పాటు చేసిన వరి ధాన్యం కొనుగోలు కేంద్రాన్ని హుజురాబాద్ ఎమ్మెల్యే పాడి కౌశిక్ రెడ్డి శుక్రవారం ఘనంగా ప్రారంభించారు. మండలంలో ఇందిరమ్మ ఇంటి లబ్ధిదారులు శ్రావ్య - పవన్ దంపతుల నూతన గృహప్రవేశ కార్యక్రమానికి ఎమ్మెల్యే ముఖ్య అతిథిగా హాజరై ప్రారంభించి, కుటుంబ సభ్యులను అభినందించారు. అర్హులైన ప్రతి లబ్ధిదారుడికి ప్రభుత్వ సంక్షేమ పథకాలు అందేలా చూస్తామని ఆయన తెలిపారు. ఈ కార్యక్రమంలో స్థానిక సర్పంచ్ దాసరపు సరోజన రాజేంద్రప్రసాద్, సర్పంచులు మండల కుమారస్వామి, మ్యాడగొని తిరుపతి, మాజీ వైస్ ఎంపీపీ లతా శ్రీనివాస్, వార్డు సభ్యులు, ప్రజాప్రతినిధులు, నాయకులు, గ్రామస్తులు పాల్గొన్నారు. 

 

-- కొనుగోలు కేంద్రం ప్రారంభం...

 

ఐకేపీ ఆధ్వర్యంలో ఏర్పాటు చేసిన వరి ధాన్యం కొనుగోలు కేంద్రాన్ని ఎమ్మెల్యే ప్రారంభించారు. ఈ సందర్భంగా ఆయన మాట్లాడుతూ... రైతులు పండించిన ప్రతి గింజను ప్రభుత్వమే కొనుగోలు చేస్తుందని, దళారులను నమ్మి మోసపోకుండా కొనుగోలు కేంద్రాల ద్వారానే ధాన్యాన్ని విక్రయించి మద్దతు ధర పొందాలని సూచించారు. కేంద్రాల్లో రైతులకు తాగునీరు, టార్పాలిన్లు, గన్నీ బ్యాగులు వంటి మౌలిక వసతులు కల్పించాలని, తూకంలో ఎలాంటి తేడాలు రాకుండా పారదర్శకంగా వ్యవహరించాలని అధికారులను ఆదేశించారు. ఈ కార్యక్రమంలో సర్పంచ్ దాసారపు సరోజన, ముసిపట్ల తిరుపతి రెడ్డి, రాయిశెట్టి లత, నీల కుమారస్వామి, ఐకేపీ సీసీలు ఆనంద్, ఘన శ్యామ్, మహిళా సంఘ సభ్యులు, హమాలీ సంఘ సభ్యులు, కార్యకర్తలు పాల్గొన్నారు.