కుందారం గ్రామంలో ఘనంగా బాలల దినోత్సవ వేడుకలు

లింగాలఘణపూర్, మేజర్ న్యూస్, బాలల దినోత్సవాన్ని పురస్కరించుకుని కుందారం గ్రామ పంచాయతీ ఆధ్వర్యంలో వేడుకలను ఘనంగా నిర్వహించారు. ఈ సందర్భంగా గ్రామసభ ఏర్పాటు చేసి, స్థానిక చిన్నారుల్లో క్రీడా స్ఫూర్తిని పెంపొందించే ఉద్దేశంతో సర్పంచ్ కుకట్ల రాజు యాదవ్ వాలీబాల్, క్రికెట్ కిట్‌లను అందజేశారు.అనంతరం ఆయన మాట్లాడుతూ.. విద్యార్థులు చదువుతో పాటు క్రీడల్లోనూ రాణించినప్పుడే సంపూర్ణ వికాసం సాధ్యమవుతుందని పేర్కొన్నారు. క్రీడల వల్ల శారీరక దృఢత్వంతో పాటు క్రమశిక్షణ, ఐక్యమత్యం అలవడతాయని, గ్రామీణ స్థాయి నుంచే క్రీడాకారులుగా ఎదగాలని ఆకాంక్షించారు.ఈ కార్యక్రమంలో వార్డు సభ్యులు సజ్జన ఉదయ్, గ్రామ కార్యదర్శి బర్ల మధు, అంగన్వాడీ ఉపాధ్యాయులు, ఆశా కార్యకర్తలు మరియు గ్రామస్థులు పెద్ద సంఖ్యలో పాల్గొన్నారు.

రిపోర్టర్ :కార్తీక్, లింగాల గణపురం, జనగామ జిల్లా