ఘనంగా గ్రంధాలయ వారోత్సవాలు

ఎడ్యుకేషన్ స్టాఫ్ రిపోర్టర్: తిరుచానూరు శాఖ గ్రంథాలయంలో 59వ జాతీయ గ్రంథాలయ వారోత్సవాలు శనివారం ఘనంగా ప్రారంభమయ్యాయి. ఈ నెల 14 నుండి 20వ తేదీ వరకు వారం రోజుల పాటు ఈ వేడుకలు జరగనున్నాయి. వారోత్సవాల సందర్భంగా నెహ్రూ జయంతి (బాలల దినోత్సవం) వేడుకలను కూడా ఘనంగా నిర్వహించారు. విద్యార్థుల్లో పఠనాసక్తిని పెంచేందుకు ఆటల పాటల పోటీలు, వ్యాసరచన, వక్తృత్వ పోటీలు, డ్రాయింగ్ పోటీలు నిర్వహిస్తున్నారు. గెలుపొందిన విద్యార్థులకు 20వ తేదీన జరిగే ముగింపు వేడుకలో బహుమతులు అందజేయనున్నారు. ఈ సందర్భంగా గ్రంథాలయ అధికారిణి ఏ.శ్రీముఖి మాట్లాడుతూ "విద్యార్థులు, పోటీ పరీక్షలకు సిద్ధమవుతున్న అభ్యర్థులు, పుర ప్రజలందరూ గ్రంథాలయాన్ని సద్వినియోగం చేసుకోవాలి. ముఖ్యంగా పోటీ పరీక్షలకు సంబంధించిన పుస్తకాలను ప్రత్యేకంగా తెప్పించాం, అభ్యర్థులు ఈ అవకాశాన్ని సద్వినియోగం చేసుకోవాలని పిలుపునిచ్చారు. ఈ కార్యక్రమంలో స్కూల్ విద్యార్థులు, పాఠకులు ఉత్సాహంగా పాల్గొన్నారు.

సీఎం గౌడ్ తిరుపతి స్టాప్ రిపోర్టర్