ముగిసిన జాతీయ సదస్సు

ఎడ్యుకేషన్ స్టాఫ్ రిపోర్టర్ : జాతీయ సంస్కృత విశ్వవిద్యాలయంలో భక్తి ప్రియః శ్రీ జగన్నాథః అనే అంశంపై గత రెండు రోజులుగా జరిగిన జాతీయ సదస్సు శనివారం ముగిసింది. ఈ కార్యక్రమానికి ముఖ్యఅతిథిగా మాజీ వీసీ హరేకృష్ణ శతపథి, విశిష్ట అతిథిగా మాజీ డీన్ ఆఫ్ అకాడమిక్ అఫైర్స్ ప్రొఫెసర్ కొంపెల్ల రామసూర్యనారాయణ విచ్చేసి శ్రీజగన్నాథ స్వామి ప్రత్యేక పూజను నిర్వహించి మాట్లాడుతూ జగద్ ప్రియులు శ్రీ జగన్నాథుడని, ఆ జగన్నాథుని తత్వాన్ని ప్రతి వ్యక్తి తెలుసుకొని ముందుకు సాగాలని సూచించారు. జగన్నాథ సాహిత్యాన్ని ప్రత్యేకంగా అధ్యయనం చేసి భారతీయ సంస్కృతి సంప్రదాయాలు సంరక్షించాలని పిలుపునిచ్చారు. ఈ కార్యక్రమంలో ఇంచార్జి రిజిస్ట్రార్ రజనీకాంత్ శుక్లా, హెచ్డీ ప్రొఫెసర్ రాధాగోవింద త్రిపాఠి, సీడీఓఈ డైరెక్టర్ ప్రొఫెసర్ రంగనాథన్, ఉత్కల పీఠం డైరెక్టర్ భరత్ భూషణ్ రథ్, అధ్యాపకులు, విధ్యార్థులు పాల్గొన్నారు.

సీఎం గౌడ్ తిరుపతి స్టాఫ్ రిపోర్టర్