వికసిత్ భారత్ యువత లక్ష్యం... -ఎస్విసిఈలో రాష్ట్ర స్థాయి పోటీలకు ఎంపికలు

ఎడ్యుకేషన్ స్టాఫ్ రిపోర్టర్ : కరకంబాడి రోడ్డులోని ఎస్.వి.కాలేజ్ ఆఫ్ ఇంజినీరింగ్ లో వికసిత్ భారత్ లక్ష్యంగా యువ నాయకుల సంభాషణ-2027 మూడవ విడత పోటీ కార్యక్రమం శనివారం విజయవంతంగా నిర్వహించారు. యువజన సర్వీసుల శాఖ, సెట్విన్ తిరుపతి, ఆంధ్రప్రదేశ్ ఆధ్వర్యంలో ఎస్విసిఈ సహకారంతో ఈ కార్యక్రమాన్ని నిర్వహించారు. ఈ కార్యక్రమానికి సెట్విన్ సీఈవో డా.పి.యశ్వంత్, మేనేజర్ కె.మోహన్ కుమార్ జిల్లా యువజన అధికారి మై భారత్ పి.శశికుమార్, జిల్లా నైపుణ్యాభివృద్ధి అధికారి ఆర్ లోకనాథం, కళాశాల ప్రిన్సిపాల్ డాక్టర్ కె చంద్రశేఖర్ పాల్గొన్నారు. ఈ కార్యక్రమానికి చిత్తూరు, తిరుపతి జిల్లాల నుండి విద్యార్థులు ఉత్సాహంగా పాల్గొని వికసిత్ భారత్ - 2047 లక్ష్య సాధనకు తమ నూతన ఆవిష్కరణలు, ఆలోచనలు, నాయకత్వ లక్షణాలను ప్రదర్శించారు. మూడవ విడతలో ప్రతిభ కనబరిచిన విద్యార్థులు, బృందాలను రాష్ట్ర స్థాయి పోటీలకు ఎంపిక చేశారు.ఈ సందర్భంగా అతిథులు మాట్లాడుతూ - దేశాభివృద్ధిలో యువత నాయకత్వం, నైపుణ్యాభివృద్ధి, నూతన ఆవిష్కరణల ప్రాముఖ్యతను వివరించారు. ఈ కార్యక్రమం విద్యార్థుల్లో సృజనాత్మకత, దేశ నిర్మాణంలో భాగస్వామ్య స్ఫూర్తిని పెంపొందించిందని పేర్కొన్నారు.

సీఎం గౌడ్ తిరుపతి స్టాఫ్ రిపోర్టర్