వరి ధాన్యాన్ని కొనుగోలు చేయాలని బిఆర్ఎస్ ఆందోళన

సూర్య- బిక్కనూర్ : రైతులు పండించిన వరి ధాన్యాన్ని ఇప్పటివరకు ప్రభుత్వం కొనుగోలు చేయకపోవడం సిగ్గుచేటని, మండలంలోని కాచాపూర్ గ్రామ మాజీ ఉపసర్పంచ్ సాయిబుగారి సిద్ధ గౌడ్ ఆరోపించారు. బుధవారం గ్రామంలో వరికుప్పల వద్ద ధాన్యాన్ని కొనుగోలు చేయాలని రైతులతో కలిసి పార్టీ నాయకులు ఆందోళన నిర్వహించారు. ధాన్యం చేతి కంది నెల రోజులు గడుస్తున్న ఇప్పటివరకు ప్రభుత్వం కొనుగోలు చేయకపోవడంతో రైతులు తీవ్ర ఇబ్బందులు ఎదుర్కొంటున్నారని, ఇప్పటికైనా వరి ధాన్యాన్ని కొనుగోలు చేయాలని డిమాండ్ చేశారు. అనంతరం పార్టీ గ్రామ అధ్యక్షుడు బాల కిషన్ మాట్లాడుతూ కాచాపూర్ సొసైటీని బిఆర్ఎస్ హయంలోనే మాజీ ఎమ్మెల్యే గంప గోవర్ధన్ సహకారంతో ఏర్పాటు చేయడం జరిగిందని, అప్పట్లో ఎన్నికల కోడ్ ఉన్నందున సొసైటీ ఏర్పాటు ఆగిందని, మూడు సంవత్సరాలు గడిచిన తర్వాత ఇప్పుడు తామే సొసైటీని ఏర్పాటు చేశామని కాంగ్రెస్ పార్టీ నాయకులు గొప్పలు చెప్పుకోవడం సిగ్గుచేటు అన్నారు. ఈ కార్యక్రమంలో పార్టీ నాయకులు పెద్ద సంఖ్యలో పాల్గొన్నారు