తాటిచర్లమోటులో ‘నారాయణమ్మ హోటల్’ ప్రారంభం రిబ్బన్ కట్ చేసి ప్రారంభించిన ఎమ్మెల్యే ముత్తుముల అశోక్‌రెడ్డి

గిద్దలూరు, మేజర్ న్యూస్ : గ్రామీణ ప్రాంతాల్లో చిన్న వ్యాపారాలు అభివృద్ధి చెందడం స్థానిక ఆర్థిక ప్రగతికి దోహదపడుతుందని గిద్దలూరు ఎమ్మెల్యే ముత్తుముల అశోక్‌రెడ్డి అన్నారు. కొమరోలు మండలం తాటిచర్లమోటులో అక్కపల్లె గ్రామానికి చెందిన చెక్క పెద్ద పుల్లయ్య యాదవ్ నూతనంగా ఏర్పాటు చేసిన నారాయణమ్మ హోటల్‌ను బుధవారం ఎమ్మెల్యే ముఖ్య అతిథిగా హాజరై రిబ్బన్ కట్ చేసి ప్రారంభించారు. ఈ సందర్భంగా హోటల్ నిర్వాహకుడు చెక్క పెద్ద పుల్లయ్య యాదవ్‌తో పాటు ఆయన కుటుంబ సభ్యులకు శుభాకాంక్షలు తెలిపారు. నూతనంగా ప్రారంభించిన హోటల్ మంచి పేరు సంపాదించుకోవడంతో పాటు వ్యాపారంలో అభివృద్ధి సాధించాలని ఆకాంక్షించారు. ఈ కార్యక్రమంలో కొమరోలు మండల ప్రముఖులు, దద్దవాడ పంచాయతీ నాయకులు, గ్రామస్తులు, స్థానిక వ్యాపారస్తులు తదితరులు పాల్గొన్నారు.