అనారోగ్య సమస్యతో పురుగుల మందు తాగి వ్యక్తి మృతి

దుద్యాల, మేజర్ న్యూస్:అనారోగ్య సమస్యతో పురుగుల మందు తాగి వ్యక్తి మృతి చెందిన సంఘటన మండల పరిధిలోని ఆలేదు గ్రామంలో మంగళవారం రాత్రి చోటు చేసుకుంది. కుటుంబ సభ్యులు, పోలీసులు తెలిపిన  వివరాలు ఇలా ఉన్నాయి. ఆలేరు గ్రామానికి చెందిన మోర రాములు (40) సమస్యతో  బాధపడుతున్నాడు. దీంతో మనస్థాపానికి గురైన రాములు మంగళవారం సాయంత్రం పురుగుల మందు సేవించాడు. ఆలస్యంగా గ్రహించిన కుటుంబ సభ్యులు రాత్రి 9 గంటల సమయంలో కోడంగల్ ఆసుపత్రికి తరలించారు. తాత్కాలిక చికిత్స నిర్వహించిన వైద్యులు మెరుగైన చికిత్స కోసం పరిగి ఆసుపత్రికి తరలించారు. ఆసుపత్రికి చేరుకోగానే అప్పటికే మరణించినట్లు పరిగి ఆసుపత్రి వైద్యులు నిర్ధారణ చేశారు. భార్య లక్ష్మీ పిర్యాదు మేరకు కేసు నమోదు చేసినట్లు ఎస్సై శ్రీశైలం తెలిపారు. మృతుడికి బాబు హరికృష్ణ, కూతురు గీతాంజలి ఉన్నారు. పిన్న వయస్సు వ్యక్తి ఇలాంటి బలవరణానికి పాల్పడడంతో గ్రామంలో అలుముకున్నాయి.