andhrapradesh
ముందర పొట్లమ్మ, గంగమ్మ తల్లుల కుంభాభిషేక ఆహ్వాన పత్రిక ఆవిష్కరణ.
కావలి, మేజర్ న్యూస్: కావలి రూరల్ మండలం అన్నగారిపాలెం గ్రామంలో ఈనెల 20వ తేదీ నుండి 22వ తేదీ వరకు అత్యంత వైభవంగా నిర్వహించనున్న శ్రీ శ్రీ శ్రీ ముందర పొట్లమ్మ తల్లి దేవత సహిత శ్రీ శ్రీ శ్రీ గంగమ్మ తల్లి కుంభాభిషేక మహోత్సవ తిరునాళ్ల ఆహ్వాన పత్రికను కావలి శాసనసభ్యులు కావ్య ఆవిష్కరించారు. ఈ సందర్భంగా ఎమ్మెల్యే కావ్య మాట్లాడుతూ, గ్రామీణ ప్రాంతాల్లో ఆధ్యాత్మిక, సాంస్కృతిక కార్యక్రమాల నిర్వహణ ద్వారా ప్రజల మధ్య ఐక్యత, భక్తిభావం పెంపొందుతాయని తెలిపారు. అమ్మవార్ల దివ్య ఆశీస్సులతో ఈ కుంభాభిషేక మహోత్సవాలు ఎలాంటి విఘ్నాలు లేకుండా విజయవంతంగా జరగాలని, గ్రామ ప్రజలందరికీ శుభం కలగాలని ఆకాంక్షించారు.
