ధాన్యం కొనుగోలుపై సిబ్బందికి ఒకరోజు శిక్షణ కార్యక్రమం

వంగర: నవంబర్ 12 మేజర్ న్యూస్
ధాన్యం కొనుగోలు ప్రక్రియను సజావుగా, పారదర్శకంగా నిర్వహించేందుకు గ్రామ వ్యవసాయ సహాయకులు, టెక్నికల్ అసిస్టెంట్లు మరియు డేటా ఎంట్రీ ఆపరేటర్లకు మండల వ్యవసాయ అధికారి ఆధ్వర్యంలో మండల పరిషత్ కార్యాలయంలో ఒకరోజు శిక్షణ కార్యక్రమం గురువారంనిర్వహించారు.

ఈ శిక్షణ కార్యక్రమంలో ధాన్యం కొనుగోలు ప్రక్రియలో గ్రామ వ్యవసాయ సహాయకులు, టెక్నికల్ అసిస్టెంట్లు మరియు డేటా ఎంట్రీ ఆపరేటర్లు నిర్వహించాల్సిన విధులు, బాధ్యతలను వివరించారు విజయనగరం జిల్లా పౌర సరఫరాల శాఖ నుంచి విచ్చేసిన టెక్నికల్ అసిస్టెంట్లు ధాన్యం కొనుగోలు యాప్ వినియోగం, రైతుల వివరాల నమోదు, ధాన్యం కొనుగోలు ప్రక్రియపై పూర్తిస్థాయిలో శిక్షణ అందించారు. అదేవిధంగా ధాన్యం కొనుగోలుకు సంబంధించి పాటించాల్సిన నాణ్యతా ప్రమాణాలను గూర్చి వారు వివరించారు.

ఈ సందర్భంగా మండల వ్యవసాయ అధికారి టి. కన్నబాబుమాట్లాడుతూ, ప్రభుత్వం ప్రకటించిన మద్దతు ధర ప్రకారం సాధారణ రకం ధాన్యానికి క్వింటాకు రూ.2,441/-లు, గ్రేడ్-ఏ రకం ధాన్యానికి క్వింటాకు రూ.2,461/-లు చొప్పున రైతు సేవా కేంద్రాల ద్వారా ధాన్యం కొనుగోలు చేసి రైతులకు చెల్లించడం జరుగుతుందని ఆయన తెలిపారు. రైతులు తమ ధాన్యాన్ని ప్రభుత్వ కొనుగోలు కేంద్రాల ద్వారా విక్రయించి మద్దతు ధర పొందాలని సూచించారు.
ఈ కార్యక్రమంలో తహసీల్దార్ రామారావు, పౌర సరఫరాల శాఖ సిబ్బంది, గ్రామ వ్యవసాయ సహాయకులు, పి ఏ సి ఎస్ సి ఈ ఓ పోలినాయుడు, కొనుగోలు కేంద్రాల సిబ్బంది తదితరులు పాల్గొన్నారు.