గ్రంథాలయ వారోత్సవాలకు అధికారులకు ఆహ్వానం

ఆహ్వాన పత్రికలను అందజేసిన మధుసూదనరావు  

వారోత్సవాలను విజయవంతం చేయాలని వినతి

గరుగుబిల్లి, నవంబర్ 12, మేజర్ న్యూస్:జాతీయ గ్రంథాలయ వారోత్సవాలను పురస్కరించుకుని మండల స్థాయి అధికారులకు గరుగుబిల్లి శాఖ గ్రంథాలయ నిర్వాహకులు నల్ల మధుసూదనరావు ఆహ్వాన పత్రికలను అందజేశారు.ఈ మేరకు గురువారం మండల పరిషత్ అభివృద్ధి అధికారి నడిమింటి సూర్యనారాయణ, ఎంపీడీవో కార్యాలయం ఏవో నాలి అర్జునరావు,స్థానిక ఎస్ ఐ షేక్ ఫక్రుద్దీన్, గరుగుబిల్లి డాక్టర్ బి ఆర్ అంబేద్కర్ బాలికల గురుకుల పాఠశాల మరియు కళాశాల ప్రిన్సిపాల్ అరసాడ రజనీకుమారితో పాటు తదితర ప్రభుత్వ కార్యాలయాలకు వెళ్లిన శాఖ గ్రంథాలయo నిర్వాహకులు నల్ల మధుసూదనరావు మర్యాదపూర్వకంగా కలిసి వారోత్సవాల ఆహ్వాన పత్రికలను అందజేశారు. గ్రంథాలయ వారోత్సవాల ప్రారంభోత్సవానికి మరియు ముగింపు వేడుకలకు అధికారులు తప్పనిసరిగా హాజరై విద్యార్థులు ప్రోత్సహించాలని మధుసూదన రావు కోరారు.
ఈ సందర్భంగా గ్రంథాలయ నిర్వాహకులు మాట్లాడుతూ, సమాజంలో పుస్తక పఠనంపై ఆసక్తిని పెంపొందించడానికి ప్రతి సంవత్సరం గ్రంథాలయ వారోత్సవాలను నిర్వహిస్తున్నట్లు తెలిపారు. ఈనెల 14వ తేదీ నుంచి 20వ తేదీ వరకు శాఖా గ్రంధాలయంలో గ్రంథాలయ వారోత్సవాలను నిర్వహించడం జరుగుతుందన్నారు. వారోత్సవాల్లో భాగంగా విద్యార్థులకు వ్యాసరచన, వక్తృత్వ, చిత్రలేఖనం మరియు క్విజ్ పోటీలు నిర్వహించనున్నట్లు వివరించారు.ఈ కార్యక్రమాలకు మండల అధికారులు తప్పకుండా విచ్చేసి, విద్యార్థులను ప్రోత్సహించాలని కోరారు.
దీనిపై స్పందించిన మండల అధికారులు, గ్రంథాలయ వారోత్సవాల నిర్వహణకు తమ పూర్తి సహకారం ఉంటుందని హామీ ఇచ్చారు.