హంస హోమియోపతి ఆధ్వర్యంలో ఉచిత మెగా వైద్య శిబిరం

శామీర్‌పేట,మేజర్ న్యూస్:ప్రజలకు నాణ్యమైన వైద్య సేవలు అందించడంతో పాటు, ముఖ్యంగా శ్వాసకోశ వ్యాధులు, వాటి నివారణ మరియు చికిత్సపై అవగాహన కల్పించే ఉద్దేశంతో హంస హోమియోపతి మెడికల్ కాలేజ్, హాస్పిటల్ అండ్ రీసెర్చ్ సెంటర్ ఆధ్వర్యంలో బుధవారం అలియాబాద్ మున్సిపల్ కార్యాలయంలో ఉచిత మెగా వైద్య శిబిరాన్ని నిర్వహించారు.ఈ వైద్య శిబిరానికి ముఖ్య అతిథులుగా
అలియాబాద్ మున్సిపల్ చైర్‌పర్సన్ కంఠం శిరీషా కృష్ణారెడ్డి ,కమిషనర్ ఎన్.వెంకట్ రెడ్డి హాజరై శిబిరాన్ని ప్రారంభించారు.ఈ సందర్భంగా వారు మాట్లాడుతూ..…ప్రజల ఆరోగ్య పరిరక్షణ కోసం ఉచిత వైద్య శిబిరాలు నిర్వహించడం అభినందనీయమని అన్నారు. ముఖ్యంగా శ్వాసకోశ సంబంధిత వ్యాధులపై ప్రజలు అవగాహన కలిగి ఉండాలని, వ్యాధి లక్షణాలు కనిపించిన వెంటనే వైద్యులను సంప్రదించాలని సూచించారు. ఇటువంటి వైద్య శిబిరాలను ప్రజలు సద్వినియోగం చేసుకోవాలని కోరారు.ఈ శిబిరంలో వైద్య నిపుణులు ప్రజలకు వైద్య పరీక్షలు నిర్వహించి, అవసరమైన వారికి వైద్య సలహాలు అందించారు. హంస హోమియోపతి వైద్య కళాశాల యాజమాన్యం, వైద్యులు, సిబ్బంది తదితరులు పాల్గొన్నారు.