అయ్యప్ప స్కూల్ బస్సు కింద పడి రెండేళ్ల బాలుడు లిఖిత్ నాయక్‌కు తీవ్ర గాయాలు

దుర్గి మండలంలోని మంగాపురం తండాలో విషాదకర ఘటన చోటుచేసుకుంది. అయ్యప్ప స్కూల్‌కు చెందిన బస్సు ప్రమాదవశాత్తు రెండేళ్ల బాలుడు లిఖిత్ నాయక్‌పై నుంచి వెళ్లడంతో తీవ్ర గాయాలయ్యాయి. ఈ ఘటనతో తండాలో ఆందోళన నెలకొంది. గాయపడిన బాలుడిని చికిత్స కోసం ఆసుపత్రికి తరలించారు.వైద్యులు బాలుడి కుడి కాలు, కుడి చేయి పూర్తిగా దెబ్బతిన్నట్లు సూచించినట్లు సమాచారం. చిన్నారి తండ్రి శ్రీను నాయక్ కుటుంబంలో జరిగిన ఈ ఘటన స్థానికులను కలచివేసింది. అప్పటివరకు ఆడుకుంటూ కనిపించిన బాలుడు లిఖిత్ నాయక్‌కు తీవ్ర గాయాలు కావడంతో తల్లిదండ్రులు ఆందోళనకు గురయ్యారు.ఈ ఘటనతో మంగాపురం తండాలో విషాద వాతావరణం నెలకొంది.

పేర్ల వెంకటేశ్వర్లు సీనియర్ రిపోర్టర్ దుర్గి