తిరుపతి నగరపాలక సంస్థ కు 'సూపర్ స్వచ్ఛ లీగ్' అవార్డ్

తిరుపతి నగరపాలక సంస్థ కు  'సూపర్ స్వచ్ఛ లీగ్' అవార్డ్

తిరుపతి బ్యూరో, మేజర్ న్యూస్ : న్యూఢిల్లీలోని విజ్ఞాన్ భవన్లో రాష్ట్రపతి ద్రౌపది ముర్ము చేతుల మీదుగా స్వచ్ఛ సర్వేక్షన్ 2025-26 జాతీయ పురస్కారాన్ని మంత్రి నారాయణ, ప్రధాన కార్యదర్శి సురేష్ కుమార్, తిరుపతి నగరపాలక సంస్థ కమిషనర్ ఎం.జయకృష్ణ బుధవారం అందుకున్నారు. కేంద్ర ప్రభుత్వం అత్యంత ప్రతిష్టాత్మకంగా నిర్వహించిన ఈ సర్వేలో తిరుపతి కి వరుసగా నాల్గవసారి కూడా జాతీయ స్థాయిలో అవార్డు దక్కించుకుంది. 
ఈ సందర్భంగా కమిషనర్ మాట్లాడుతూ, రాష్ట్రపతి చేతుల మీదుగా ఈ జాతీయ పురస్కారాన్ని అందుకోవడం ఎంతో ఆనందంగా ఉందని, ఈ విజయం నగర ప్రజల సహకారం, పారిశుధ్య కార్మికుల కష్టానికి, అధికారుల సమష్టి కృషి వల్లే దక్కిందని తెలిపారు. భవిష్యత్తులో నగరాన్ని మరింత సుందరంగా, శుభ్రంగా ఉంచేందుకు సహకరించాలని పిలుపునిచ్చారు. ఇంటింటి చెత్త సేకరణ, మరుగుదొడ్ల నిర్వ హణ, సాలిడ్ వేస్ట్ మేనేజ్మెంట్, డంపింగ్ యార్డుల్లో చెత్త నిల్వల్ని తగ్గించడం, ప్రభుత్వ గోడలపై బొమ్మలు, సుందరీకరణ, వ్యర్థాల నుంచి పరికరాల తయారీ, ఈ- వేస్ట్ సేకరణ తదితర అంశాలను పరిగణనలోకి తీసుకుని స్వచ్చత పోటీల్లో అదికారులు చేసిన కృషి ఫలి తంగా ఈ అవార్డు దక్కింది. రాష్ట్రపతి చేతుల మీదుగా అవార్డు అందు కోనుండడం తమ బాధ్యత మరింత పెంచిందని కమిషనర్ జయకృష్ణ చెప్పారు. ఈ కార్యక్రమంలో అదనపు కమిషనర్ శారదా దేవి, డి.ఈ.రమణ, మస్తాన్, తదితరులు ఉన్నారు

Raaju బ్యూరో,తిరుపతి జిల్లా