చెక్‌పోస్ట్ బారియర్ లేకుండానే తనిఖీలు ఎలా? ప్రశ్నించిన విలేకరులకు బీట్ ఆఫీసర్ దురుసు సమాధానం!
అనంతసాగరం, మేజర్ న్యూస్ : సోమశిల ఫారెస్ట్ ఆఫీస్ సమీపంలోని చెక్‌పోస్ట్ వద్ద చెక్‌పోస్ట్ బారియర్ (కర్ర) లేకపోవడంపై పలు అనుమానాలు వ్యక్తమవుతున్నాయి. వాహనాల రాకపోకలను నియంత్రించేందుకు, అటవీ ప్రాంతంలో జరిగే అక్రమ రవాణాను అడ్డుకునేందుకు చెక్‌పోస్ట్ వద్ద బారియర్ ఏర్పాటు చేయాల్సి ఉండగా, అది లేకపోవడంపై విలేకరులు అక్కడి అధికారులను ప్రశ్నించారు. అయితే విలేకరులు అడిగిన ప్రశ్నలకు సమాధానం చెప్పాల్సిన బీట్ ఆఫీసర్ దురుసుగా స్పందించినట్లు ఆరోపణలు వినిపిస్తున్నాయి. "ఏంటి నువ్వు మమ్మల్ని బెదిరించేది? నీకు ఏమి రాయాలనిపిస్తే అది రాసుకో" అంటూ సమాధానం ఇచ్చినట్లు విలేకరులు తెలిపారు. ప్రజా సమస్యలపై ప్రశ్నించడం విలేకరుల బాధ్యత. చెక్‌పోస్ట్ వద్ద బారియర్ ఎందుకు ఏర్పాటు చేయలేదు? బాధ్యత వహించాల్సిన అధికారులు ఎవరు? అటవీ శాఖ ఉన్నతాధికారులు స్పందించి తగిన చర్యలు తీసుకోవాలని ప్రజలు కోరుతున్నారు.
