పలువురు బాధిత కుటుంబాలను పరామర్శించిన మాజీ ఎమ్మెల్యే ప్రతాప్‌కుమార్‌రెడ్డి.

​కావలి, మేజర్ న్యూస్ :   కావలి నియోజకవర్గ మాజీ ఎమ్మెల్యే, వైఎస్సార్‌సీపీ నాయకులు రామిరెడ్డి ప్రతాప్‌కుమార్‌రెడ్డి మండలంలో పలువురు బాధిత కుటుంబాలను పరామర్శించారు.  ​కావలి రూరల్ మండలం మాజీ సర్పంచ్ పర్రి కొండమ్మ పెద్దకర్మ కార్యక్రమానికి పార్టీ నాయకులు, కార్యకర్తలతో కలిసి ఆయన హాజరయ్యారు. ఈ సందర్భంగా కొండమ్మ చిత్రపటానికి పూలమాలలు వేసి అంజలి ఘటించారు. అనంతరం బుడంగుంట గ్రామానికి చెందిన మేదరమెట్ల హరీష్‌రెడ్డి ఉత్తర క్రియల్లో పాల్గొన్నారు. హరీష్‌రెడ్డి చిత్రపటానికి నివాళులర్పించి, వారి కుటుంబ సభ్యులను పరామర్శించి ధైర్యం చెప్పారు. ​ఈ కార్యక్రమాల్లో చెంచుగానిపాలెం, బుడంగుంట గ్రామ ప్రజలతో పాటు వైఎస్సార్‌సీపీ నాయకులు, కార్యకర్తలు భారీ సంఖ్యలో పాల్గొన్నారు.