వరదలో చిక్కుకున్న వ్యక్తికి పునర్జన్మ
వరదలో చిక్కుకున్న వ్యక్తికి పునర్జన్మ..
-ప్రాణాలకు తెగించి రక్షించిన కానిస్టేబుల్ సంతోష్
-సంతోష్ సాహసానికి స్థానికుల సెల్యూట్
అశ్వారావుపేట ఆర్ సీ, (సూర్య) మృత్యువు ముంచుకొస్తున్న వేళ ఓ పోలీస్ కానిస్టేబుల్ తన ప్రాణాలను సైతం లెక్కచేయకుండా సాహసోపేతంగా స్పందించారు.అశ్వారావుపేట మండలంలో సుమారు 3 కిలోమీటర్ల రాయి వద్ద భారీ వర్షాలకు ఉప్పొంగిన వరద ప్రవాహంలో బైక్‌తో సహా చిక్కుకున్న సుబ్బారావుకు కానిస్టేబుల్ బి.సంతోష్ అండగా నిలిచారు. నీటి ఉధృతి పెరిగి ప్రాణాపాయ స్థితిలో ఉన్న ఆయనను గమనించిన సంతోష్ ఏమాత్రం వెనుకాడకుండా వరదలోకి దూకి ఫైర్ సిబ్బంది, స్థానికుల సహకారంతో సుబ్బారావును, బైక్‌ను సురక్షితంగా బయటకు తీసుకొచ్చారు.తన ప్రాణాలను పణంగా పెట్టి ఓ వ్యక్తికి ప్రాణభిక్ష పెట్టిన కానిస్టేబుల్ సంతోష్ సాహసం పోలీసుల మానవత్వానికి నిదర్శనంగా నిలిచింది. ఆయన ధైర్యసాహసాలకు స్థానికులు ప్రశంసలు కురిపిస్తూ సెల్యూట్ చేస్తున్నారు.
