తాండూరులో ఈ నెల 25న అయ్యప్ప స్వామి మహా పడిపూజ
తాండూరు, మేజర్ న్యూస్: తాండూరు పట్టణంలో ఈ నెల 25వ తేదీ బుధవారం అయ్యప్ప స్వామి మహా పడిపూజ కార్యక్రమాన్ని మాజీ ఎమ్మెల్యే పైలెట్ రోహిత్ రెడ్డి ఆధ్వర్యంలో ఘనంగా నిర్వహించనున్నారు. ప్రతి ఏడాది సంప్రదాయబద్ధంగా నిర్వహిస్తున్న ఈ ఆధ్యాత్మిక కార్యక్రమాన్ని ఈసారి కూడా అంగరంగ వైభవంగా జరిపేందుకు సన్నాహాలు చేస్తున్నారు. ఇందుకు సంబంధించి బీఆర్ఎస్ పార్టీ నాయకులు ఏర్పాట్లకు శ్రీకారం చుట్టారు. అయ్యప్ప స్వామిపై అపార భక్తిభావం కలిగిన పైలెట్ రోహిత్ రెడ్డి ప్రత్యేక శ్రద్ధతో ఈ కార్యక్రమాన్ని విజయవంతం చేసేందుకు ముందుకు సాగుతున్నారు. మహా పడిపూజకు హాజరయ్యే భక్తులకు ఎలాంటి ఇబ్బందులు కలగకుండా అవసరమైన ఏర్పాట్లు చేపడుతున్నారు. ఈ సందర్భంగా అయ్యప్ప స్వామి భక్తులు అధిక సంఖ్యలో పాల్గొని స్వామివారి ఆశీస్సులు పొందాలని నిర్వాహకులు కోరుతున్నారు.