సొంతింటి కల నెరవేరుస్తున్న కాంగ్రెస్ ప్రభుత్వం

కొండాపూర;మండల పరిధిలోని గంగారం గ్రామంలో ఇందిరమ్మ ఇంటి నిర్మాణానికి భూమిపూజ నిర్వహించారు. పంచాయతీ కార్యదర్శి మంజుల  గ్రామ వార్డు సభ్యులు అనిల్, పంచాయతీ వార్డు సభ్యులతో కలిసి కొండాపూర్ యూత్ కాంగ్రెస్ అధ్యక్షుడు అశోక్ భూమిపూజ కార్యక్రమంలో పాల్గొన్నారు.ఈ సందర్భంగా వారు మాట్లాడుతూ.. పేద కుటుంబాలు సొంతింటి కలను సాకారం చేసుకునేలా కాంగ్రెస్ ప్రభుత్వం ఇందిరమ్మ ఇళ్ల పథకాన్ని అమలు చేస్తోందన్నారు. ప్రతి పేద కుటుంబానికి ప్రభుత్వం అన్ని విధాలా అండగా ఉంటుందని, అర్హులైన లబ్ధిదారులకు సంక్షేమ పథకాలు అందేలా కృషి చేస్తామని తెలిపారు. పేదల సంక్షేమమే లక్ష్యంగా ప్రభుత్వం ముందుకు సాగుతోందని పేర్కొన్నారు.