ప్రశాంత వాతావరణంలో ఎన్నికలు నిర్వహించుకోవాలి ఇంకొల్లు ఎస్ఐ వినోద్ కుమార్

ఇంకొల్లు, మేజర్ న్యూస్: ఇంకొల్లు మండలంలో గురువారం జరగనున్న స్థానిక సంస్థల ఎన్నికల్లో ఓటర్లు ప్రశాంత వాతావరణంలో తమ ఓటు హక్కు వినియోగించు కోవాలని ఇంకొల్లు ఎస్ఐ బి వినోద్ కుమార్ సూచించారు. ఇంకొల్లు మండలంలో మొత్తం ఐదు రూట్లు గా విభజించి బందోబస్తు పటిష్టం చేశామన్నారు. 70 మంది పోలీసు సిబ్బంది ఎన్నికల విధుల్లో పాల్గొంటున్నారన్నారు. ఐదు రూట్ మొబైల్స్, రెండు స్ట్రైకింగ్ ఫోర్స్ 1, స్పెషల్ ట్రైనింగ్ ఫోర్స్ బృందాలు బందోబస్తు నిర్వహిస్తున్నారన్నారు. ఇంకోలు మండలంలో గురువారం144 సెక్షన్, 30 యాక్ట్ అమల్లో ఉంటుందన్నారు. 100 మీటర్ల లోపు ఎవరు ఎలాంటి కార్యక్రమాలు చేపట్టకూడదన్నారు. వంకాయలపాడు నుండి భీమవరం వరకు మొత్తం 52 పోలింగ్ కేంద్రాలు ఉన్నాయన్నారు. ప్రజలంతా ప్రశాంత వాతావరణంలో తమ ఓటు హక్కు వినియోగించుకోవాలని ఎస్సై కోరారు.