తుడా చైర్మన్ కు ఘన సత్కారం

ఎడ్యుకేషన్ స్టాఫ్ రిపోర్టర్ : మున్సిపల్ కార్పొరేషన్ ఎన్నికలలో విజయం సాధించిన 62వ డివిజన్ కార్పొరేటర్ బండారు పార్థసారథి తుడా చైర్మన్ డాక్టర్ డాలర్స్ దివాకర్ రెడ్డిని సత్కరించారు. ఇటీవల జరిగిన ఎన్నికలలో ఆయన విజయం సాధించిన పార్థసారథి బుధవారం తుడా చైర్మన్ డాలర్స్ దివాకర్ రెడ్డిని ఆయన కార్యాలయంలో మర్యాదపూర్వకంగా కలిశారు. ఈ సందర్భంగా తనకు సహకారం అందించిన తుడా చైర్మన్ దివాకర్ రెడ్డికి పుష్పగుచ్చం అందించి శాలువాతో ఘనంగా సత్కరించారు.ఈ సందర్భంగా తుడా ఛైర్మన్ డాలర్స్ దివాకర్ రెడ్డి నూతన కార్పొరేటర్ పార్థసారథికి శుభాకాంక్షలు తెలియజేశారు. ప్రజా సమస్యల పరిష్కారానికి నిరంతరం కృషి చేయాలని, కూటమి ప్రభుత్వ లక్ష్యాలకు అనుగుణంగా డివిజన్ అభివృద్ధికి పాటుపడాలని సూచించారు. తన గెలుపునకు సహకరించిన కూటమి నాయకులకు, కార్యకర్తలకు, 62వ డివిజన్ ప్రజలకు పార్థసారథి ప్రత్యేక కృతజ్ఞతలు తెలిపారు. డివిజన్ పరిధిలోని మౌలిక సదుపాయాల కల్పన, డ్రైనేజీ, త్రాగునీరు, రహదారుల అభివృద్ధికి తుడా ఛైర్మన్ గారి సహకారంతో ప్రత్యేక ప్రణాళికలు రూపొందించి, డివిజన్‌ను ఆదర్శవంతంగా తీర్చిదిద్దుతానని తెలిపారు.

సీఎం గౌడ్ తిరుపతి స్టాఫ్ రిపోర్టర్