*జిల్లా కలెక్టర్ చేతుల మీదుగా ప్రశంస పత్రం అందుకున్న సర్పంచి కల్లూరి అనిత

మాడ్గులపల్లి,మేజర్ న్యూస్:
మాడ్గులపల్లి మండలం ఇస్కబావిగూడెం గ్రామ పంచాయతీ సర్పంచి కల్లూరి అనిత వెంకట్ రెడ్డి జిల్లా స్థాయిలో ప్రశంసా పత్రం అందుకున్నారు.
బుధవారం నల్గొండ జిల్లా కలెక్టర్ కార్యాలయం లోజరిగిన కార్యక్రమంలో ఇటీవల గుజరాత్ రాష్ట్రం లో జరిగిన  జాతీయ సమైక్యతా దినోత్సవం, సర్దార్ వల్లభాయ్ పటేల్ జయంతి వేడుకల సందర్భంగా వివిధ రంగాల్లో విశిష్ట సేవలు, ఉత్తమ పనితీరు కనబరిచిన వారికి ప్రశంసా పత్రాలను అందజేశారు.ఇందులో భాగంగా మాడ్గులపల్లి మండలం ఇస్కబావిగూడెం గ్రామ పంచాయతీ సర్పంచి కల్లూరి అనిత వెంకట్ రెడ్డి తన గ్రామ పంచాయతీ పరిధి లో చేపట్టిన అభివృద్ధి పనులు, ప్రభుత్వ పథకాల అమలులో చూపిన చొరవ కు గుర్తింపుగా జిల్లా కలెక్టర్ నుండి ప్రశంసా పత్రం అందుకున్నారు.ఈ సందర్భంగా సర్పంచి కల్లూరి అనితవెంకట్ రెడ్డి మాట్లాడుతూ తనకు ఈ గుర్తింపు ఇచ్చిన జిల్లా కలెక్టర్ చంద్రశేఖర్ , సహకరించిన మిర్యాలగూడ ఎమ్మెల్యే బత్తుల లక్ష్మారెడ్డి, తోపాటు జిల్లా యంత్రాంగానికి కృతజ్ఞతలు తెలిపారు. గ్రామ అభివృద్ధికి మరింత పట్టుదల తో తన వంతు కృషి చేస్తానని ఆమె తెలిపారు.