డ్రంక్ అండ్ డ్రైవ్ కేసుల్లో 9 మందికి జైలు

హైదరాబాద్ సిటీ బ్యూరో, మేజర్ న్యూస్ (నవంబర్ 4): మేడ్చల్ ట్రాఫిక్ పోలీస్ స్టేషన్ పరిధిలో నమోదైన డ్రంక్ అండ్ డ్రైవ్ కేసులకు సంబంధించి మేడ్చల్‌లోని ప్రధాన జూనియర్ సివిల్ జడ్జి-కమ్-VII అదనపు జ్యుడీషియల్ ఫస్ట్ క్లాస్ మేజిస్ట్రేట్ వారి న్యాయస్థానంలో మొత్తం 21 డ్రంక్ అండ్ డ్రైవ్ కేసులు బుధవారం పరిష్కరించబడ్డాయి. ఈ కేసుల్లో ఒకసారి కంటే ఎక్కువ సార్లు మద్యం సేవించి వాహనాలు నడిపిన 9 మందికి న్యాయస్థానం జైలు శిక్ష విధించడంతో పాటు, మొత్తం ₹30,100/- జరిమానా విధించింది.
కాగా, జైలు శిక్షల వివరాలు ఇలా ఉన్నాయి.
ఒకరికి – 03 రోజుల జైలు, ఐదుగురికి – 05 రోజులు, 
మరొకరికి – 07 రోజుల జైలు, ఇంకో ఇద్దరికి – 10 రోజుల పాటు జైలు శిక్షలు విధించారు.
ఈ సందర్భంగా మేడ్చల్ ట్రాఫిక్ పోలీసులు వాహనదారులకు విజ్ఞప్తి చేస్తూ, మద్యం సేవించి వాహనాలు నడపడం ద్వారా తమ ప్రాణాలతో పాటు ఇతరుల ప్రాణాలను కూడా ప్రమాదంలోకి నెట్టవద్దని సూచించారు. రోడ్డు ప్రమాదాల నివారణకు ట్రాఫిక్ నిబంధనలను తప్పనిసరిగా పాటించాలని, డ్రైవింగ్ లైసెన్స్ లేకుండా వాహనాలు నడపరాదని తెలిపారు.