సాంకేతికతో ముందుకు సాగాలి

ఎడ్యుకేషన్ స్టాఫ్ రిపోర్టర్ : రిమ్స్ విద్యార్థులు జీవితంలో సాంకేతికత వినియోగాన్ని అలవర్చుకొని సమాజంలో రిమ్స్ విద్యార్థులు ఆదర్శవంతంగా జీవించాలని ఆ కళాశాల ప్రిన్సిపల్ డాక్టర్ జి ప్రకాష్ రెడ్డి పిలుపునిచ్చారు. బైరాగి పట్టెడలోని కొండారెడ్డి రాయలసీమ ఇన్స్టిట్యూట్ ఆఫ్ ఇన్ఫర్మేషన్ అండ్ మేనేజ్మెంట్ సైన్సెస్ కళాశాలలో నూతన ఎంసీఏ, ఎంబీఏ, ఎంఎస్ సి కంప్యూటర్ విద్యార్థులకు అవగాహన సదస్సు నిర్వహించారు. బుధవారం కళాశాలలో జరిగిన కార్యక్రమానికి ఆయన ముఖ్యఅతిథిగా హాజరై జ్యోతి ప్రజ్వలన చేసి సదస్సును ప్రారంభించారు. ఈ సందర్భంగా ఏర్పాటు చేసిన సభలో ప్రిన్సిపాల్ మాట్లాడుతూ విద్యార్థి దశలోనే ఉన్నత లక్ష్యాలను నిర్దేశించు కోవాలని, ఆయా కోర్సుల్లో విద్యార్థులు మంచి పరిజ్ఞానాన్ని సంపాదించుకోవాలన్నారు. సీనియర్స్, జానియర్స్ తో స్నేహభావంతో మెలుగుతూ, రిమ్స్ విద్యా సంస్థకు తల్లిదండ్రులకు మంచి పేరు తీసుకురావాలని సూచించారు.ఈ సదస్సులో అకళాశాల సెక్రటరీ వై ఆనంద్ రెడ్డి, వైస్ చైర్మన్ విజయ రెడ్డి, హెచ్ ఓడిలు డాక్టర్ నిరంజన్ రెడ్డి, డాక్టర్ మధుర, అధ్యాపకులు నూతన విద్యార్థులు పాల్గొన్నారు. 

సీఎం గౌడ్ తిరుపతి స్టాప్ రిపోర్టర్