telangana
శంభీపూర్లో ఘనంగా అయ్యప్ప స్వామి మహాపడి పూజ
దుండిగల్ మేజర్ న్యూస్ శంభీపూర్లో ఈ నెల 19వ తేదీ గురువారం శ్రీ అయ్యప్ప స్వామి మహాపడి పూజ మహోత్సవాన్ని ఘనంగా నిర్వహించనున్నట్లు ఎమ్మెల్సీ శంభీపూర్ రాజు తెలిపారు. ఉదయం 9.30 గంటలకు శంభీపూర్లోని ఆయన నివాసంలో అరుణ్ గురుస్వామి ఆధ్వర్యంలో పూజా కార్యక్రమాలు నిర్వహించనున్నట్లు పేర్కొన్నారు. అయ్యప్ప స్వామి భక్తుల ఆధ్యాత్మికత, భక్తిశ్రద్ధలకు అనుగుణంగా మహాపడి పూజను అంగరంగ వైభవంగా నిర్వహించేందుకు ఏర్పాట్లు చేస్తున్నట్లు తెలిపారు. ఈ కార్యక్రమానికి అయ్యప్ప స్వామి భక్తులు, స్థానిక ప్రజలు పెద్ద సంఖ్యలో హాజరై స్వామివారి కృపకు పాత్రులు కావాలని శంభీపూర్ రాజు కోరారు. మల్లంపేట్ ఎగ్జిట్ 4ఏ సమీపంలోని శంభీపూర్ రాజు నివాసంలో ఈ మహాపడి పూజ నిర్వహించనున్నారు. భక్తులు కుటుంబ సమేతంగా హాజరై పూజా కార్యక్రమాల్లో పాల్గొనాలని నిర్వాహకులు విజ్ఞప్తి చేశారు.