శ్రీ చైతన్య స్కూల్లో ఘనంగా ఇంగ్లీష్ గ్రామర్ ఎక్స్పో
కర్నూలు: విద్యార్థుల్లో ఆంగ్ల భాషా పరిజ్ఞానం, వ్యాకరణ నైపుణ్యాలు, ఆత్మవిశ్వాసాన్ని పెంపొందించే లక్ష్యంతో కర్నూలు వెంకటరమణ కాలనీలోని శ్రీ చైతన్య ఇంగ్లీష్ మీడియం స్కూల్ కర్నూలు-1 బ్రాంచ్లో ఇంగ్లీష్ గ్రామర్ ఎక్స్పోను ఘనంగా నిర్వహించారు.
ఈ కార్యక్రమంలో విద్యార్థులు ఉత్సాహంగా పాల్గొని పార్ట్స్ ఆఫ్ స్పీచ్, టెన్సెస్, ఆర్టికల్స్, ప్రిపోజిషన్స్, కంజంక్షన్స్, సెంటెన్స్ స్ట్రక్చర్స్ వంటి ఆంగ్ల వ్యాకరణ అంశాలపై వివిధ నమూనాలు, చార్టులు ఏర్పాటు చేసి తమ ప్రతిభను ప్రదర్శించారు.
ఈ సందర్భంగా పాఠశాల ఏజీఎం సురేష్ మాట్లాడుతూ.. పుస్తకాలకే పరిమితం కాకుండా, ఆచరణాత్మకంగా, ఆసక్తికరమైన రీతిలో ఆంగ్ల వ్యాకరణాన్ని నేర్చుకునేలా చేయడమే ఈ ఎక్స్పో ముఖ్య ఉద్దేశమని తెలిపారు.
విద్యార్థుల సృజనాత్మకత, ప్రతిభ, కృషిని పాఠశాల ప్రిన్సిపల్ మంజుల, ఉపాధ్యాయులు అభినందించారు. ఇలాంటి వినూత్న విద్యా కార్యక్రమాలు విద్యార్థుల్లో అభ్యసన ఆసక్తిని పెంపొందించడంతో పాటు సమగ్ర అభివృద్ధికి దోహదపడతాయని పేర్కొన్నారు.