అనారోగ్యంతో మృతి చెందిన హోంగార్డుకు లాలాపేట పోలీసుల ఘన నివాళి
గుంటూరు : అనారోగ్యంతో మృతి చెందిన లాలాపేట పోలీస్ స్టేషన్ హోంగార్డు పి. ప్రియాంక (స్టెల్లా)కు లాలాపేట పోలీసులు ఘనంగా నివాళులర్పించారు. ఆమె కుటుంబానికి అండగా నిలుస్తూ అంత్యక్రియల ఖర్చుల నిమిత్తం రూ.30 వేల ఆర్థిక సహాయాన్ని అందజేశారు. లాలాపేట పోలీస్ స్టేషన్లో హోంగార్డుగా విధులు నిర్వహిస్తున్న పి. ప్రియాంక (స్టెల్లా) అనారోగ్య కారణాలతో మంగళవారం మృతి చెందారు. ఈ విషయం తెలుసుకున్న లాలాపేట పోలీస్ స్టేషన్ సీఐ ఏ.వి. శివప్రసాద్, ఎస్ఐలు షేక్ హషీం, వి. వెంకటరావుతో పాటు పోలీస్ స్టేషన్ సిబ్బంది ఆమె పార్ధివదేహానికి పూలమాలలు వేసి ఘనంగా నివాళులర్పించారు. అనంతరం ఆమె కుటుంబ సభ్యులను పరామర్శించి ప్రగాఢ సానుభూతి తెలిపారు. అంత్యక్రియల ఖర్చుల నిమిత్తం రూ.30 వేల ఆర్థిక సహాయాన్ని అందజేసి, కుటుంబానికి తమ వంతు అండగా నిలిచారు. విధి నిర్వహణలో తమతో కలిసి పనిచేసిన సహచరురాలిని కోల్పోవడం పట్ల పోలీసు సిబ్బంది విచారం వ్యక్తం చేశారు.
కే నాగరాజు గుంటూరు క్రైమ్