షాబాద్ మండలంలోని పరిశ్రమలో అగ్నిప్రమాదం.. ముగ్గురికి గాయాలు
రంగారెడ్డి: రంగారెడ్డి జిల్లా షాబాద్ మండలం హైతాబాద్ సమీపంలోని చందనవెల్లి పారిశ్రామికవాడలో భారీ అగ్నిప్రమాదం సంభవించింది. అక్కడి 'ట్రీ ఫాయిల్' (Tree Foil) పరిశ్రమలో ఒక్కసారిగా మంటలు చెలరేగాయి. ఈ ప్రమాదంలో పరిశ్రమలో పనిచేస్తున్న ముగ్గురు కార్మికులకు గాయాలయ్యాయి.
ప్రమాద సమాచారం అందుకున్న వెంటనే స్థానికులు, పరిశ్రమ సిబ్బంది స్పందించి గాయపడిన ముగ్గురిని చికిత్స నిమిత్తం సమీప ఆస్పత్రికి తరలించారు. మరోవైపు, అగ్నిమాపక సిబ్బంది ఫైర్ ఇంజిన్లతో ఘటనా స్థలానికి చేరుకుని మంటలను అదుపులోకి తెచ్చేందుకు తీవ్రంగా శ్రమిస్తున్నారు. ప్రమాదానికి గల కచ్చితమైన కారణాలు తెలియాల్సి ఉంది.