సీఎం రేవంత్రెడ్డి కాన్వాయ్కు తప్పిన ప్రమాదం
హైదరాబాద్: పాతబస్తీలో తెలంగాణ ముఖ్యమంత్రి రేవంత్రెడ్డి కాన్వాయ్కు పెను ప్రమాదం తప్పింది. గాంధీభవన్ నుంచి రేస్కోర్స్లో నిర్వహించే 'సీఎం ట్రోఫీ' కార్యక్రమానికి ముఖ్యమంత్రి వెళ్తుండగా చాదర్ఘాట్ బ్రిడ్జి వద్ద ఈ ఘటన చోటుచేసుకుంది.
కాన్వాయ్ బ్రిడ్జిపై వెళ్తున్న సమయంలో ఒక్కసారిగా ఓ ఎద్దు వాహనాలకు ఎదురుగా దూసుకువచ్చింది. వెంటనే అప్రమత్తమైన కాన్వాయ్లోని భద్రతా సిబ్బంది, డ్రైవర్లు వాహనాలకు సకాలంలో బ్రేకులు వేసి నెమ్మదిగా ముందుకు కదిలారు. అదే సమయంలో అక్కడే విధుల్లో ఉన్న మలక్పేట ట్రాఫిక్ కానిస్టేబుళ్లు వేగంగా స్పందించి ఆ ఎద్దును పక్కకు లాగేశారు. సిబ్బంది సకాలంలో స్పందించడంతో ఎలాంటి అవాంఛనీయ ఘటన జరగకుండా ముఖ్యమంత్రి కాన్వాయ్ సురక్షితంగా ముందుకు సాగింది.