BREAKING
వీపీఆర్ నివాసంలో ప్రత్యేక ప్రార్థనలు నిర్వహించి వీపీఆర్ దంపతులను ఆశీర్వదించిన మత పెద్దలు నూతన కార్పొరేటర్లకు మంత్రి టీజీ భరత్ ఆత్మీయ తేనీటి విందుq డ్రగ్స్ రహిత భారత్ ఉద్యమానికి ప్రభాస్ మద్దతు.. ప్రత్యేకంగా ఆహ్వానించిన కిషన్‌రెడ్డి వేమిరెడ్డి దంపతుల ఆతిథ్యంలో వీపీఆర్ నివాసంలో ప్రముఖులకు విందు మహిళా హత్య కేసును 24 గంటల్లోనే.. కేసును ఛేదించిన చేవెళ్ల పోలీసులు, నిందితుడి అరెస్ట్ ఆర్యవైశ్యుల ఐక్యతతోనే అన్ని రంగాల్లో మరింత అభివృద్ధి సాధ్యం: మంత్రి టీజీ భరత్ బాపట్ల ఎన్నికల ప్రచారంలో ఎమ్మెల్యే నసీర్ కలయకాగొల్లులో వైసీపీ ఖాళీ.. తెలుగు దేశంలోకి 70 కుటుంబాలు పనులు పూర్తయ్యాక బిల్లుల సంగతేంటి?.. పీఏసీ భేటీలో జగ్గారెడ్డి సూటి ప్రశ్న ఇందిరమ్మ ఇళ్ల గృహప్రవేశాలకు ముఖ్య అతిథిగా స్పీకర్ గడ్డం ప్రసాద్ కుమార్ ఎంపీని కలిసిన కొత్త కార్పొరేటర్లు, జెడ్పీటీసీ, ఎంపీటీసీ సభ్యులు ఘనంగా ఎమ్మెల్యే వేమిరెడ్డి ప్రశాంతి రెడ్డి గారి జన్మదిన వేడుకలు గాంధీ భవన్‌లో ముగిసిన పీఏసీ సమావేశం.. ఎమ్మెల్యే వేమిరెడ్డి ప్రశాంతి రెడ్డి గారి జన్మదినం సందర్భంగా సేవా కార్యక్రమాలు మర్పల్లిలో బీఆర్ఎస్‌కు షాక్.. కాంగ్రెస్‌లోకి 200 మంది చేరిక

ఎంపీని కలిసిన కొత్త కార్పొరేటర్లు, జెడ్పీటీసీ, ఎంపీటీసీ సభ్యులు

Select Suryaa Now
ఎంపీని కలిసిన కొత్త కార్పొరేటర్లు, జెడ్పీటీసీ, ఎంపీటీసీ సభ్యులు

‎ఎంపీని కలిసిన కొత్త కార్పొరేటర్లు, జెడ్పీటీసీ, ఎంపీటీసీ సభ్యులు.

.. నూతన ప్రజాప్రతినిధులతో సందడిగా మారిన ఎంపీ కార్యాలయం.

.. ఎన్నికైన ప్రజాప్రతినిధులందరికీ ఎంపీ శుభాకాంక్షలు.

.. ప్రజలిచ్చిన అవకాశాన్ని సద్వినియోగం చేసుకోవాలని ఎంపీ హితవు.

**ఏలూరు, మేజర్ న్యూస్:** ఏలూరు నగరపాలక సంస్థకు నూతనంగా ఎన్నికైన పలువురు కార్పొరేటర్లు, వివిధ మండలాలకు చెందిన నూతన జెడ్పీటీసీ, ఎంపీటీసీ సభ్యులు ఆదివారం ఉదయం ఏలూరు పార్లమెంట్ సభ్యులు పుట్టా మహేష్ కుమార్‌ను మర్యాదపూర్వకంగా కలిశారు. ఈ సందర్భంగా నూతనంగా ఎన్నికైన ప్రజాప్రతినిధులందరికీ ఎంపీ పుట్టా మహేష్ కుమార్ యాదవ్ హృదయపూర్వక శుభాకాంక్షలు తెలియజేసి, వారి భవిష్యత్ ప్రజా జీవితానికి శుభాకాంక్షలు తెలిపారు.

ప్రజలు తమపై ఎంతో నమ్మకంతో, విశ్వాసంతో ప్రజాప్రతినిధులుగా ఎన్నుకున్నారని, ఆ నమ్మకాన్ని నిలబెట్టుకునే విధంగా ప్రతి ఒక్కరూ బాధ్యతాయుతంగా వ్యవహరించాలని ఎంపీ సూచించారు. ప్రజలకు అందుబాటులో ఉంటూ, వారి సమస్యలను తెలుసుకుని పరిష్కరించేందుకు నిరంతరం కృషి చేయాలని తెలిపారు. ముఖ్యంగా గ్రామాలు, పట్టణాల అభివృద్ధికి ప్రాధాన్యతనిస్తూ, ప్రజల అవసరాలకు అనుగుణంగా అభివృద్ధి కార్యక్రమాలను ముందుకు తీసుకెళ్లాలని ఆకాంక్షించారు.

ప్రజాప్రతినిధులకు పదవులు అనేవి ప్రజలకు సేవ చేసే గొప్ప అవకాశాలని, ప్రజలతో మమేకమై వారి కష్టసుఖాల్లో భాగస్వాములవుతూ మంచి పేరు సంపాదించుకోవాలని పేర్కొన్నారు. రాజకీయాల్లో క్రమశిక్షణ, అంకితభావం, ప్రజల పట్ల బాధ్యతతో ముందుకు సాగితే మరింత ఉన్నత స్థానాలను చేరుకునే అవకాశం ఉంటుందని నూతన ప్రజాప్రతినిధులకు శుభాకాంక్షలు తెలియజేశారు.

ఆదివారం ఉదయం నుంచే ఏలూరులోని ఎంపీ పుట్టా మహేష్ కుమార్ కార్యాలయానికి నూతనంగా ఎన్నికైన ప్రజాప్రతినిధులు, వివిధ ప్రాంతాల నుంచి పార్టీ నాయకులు, కార్యకర్తలు, అభిమానులు పెద్ద సంఖ్యలో తరలివచ్చారు. దీంతో ఎంపీ కార్యాలయం సందర్శకులతో కిక్కిరిసిపోయి సందడిగా మారింది. పలువురు ప్రజాప్రతినిధులు ఎంపీని కలిసి తమ పరిచయాలను తెలియజేయడంతో పాటు, మర్యాదపూర్వకంగా అభినందనలు, శుభాకాంక్షలు తెలియజేశారు.

ఎంపీని కలిసిన వారిలో తెలుగుదేశం పార్టీతో పాటు జనసేన, భారతీయ జనతా పార్టీకి చెందిన పలువురు నూతన కార్పొరేటర్లు, జెడ్పీటీసీ, ఎంపీటీసీ సభ్యులు ఉన్నారు. వివిధ పార్టీలకు చెందిన నూతన ప్రజాప్రతినిధులు ఎంపీని మర్యాదపూర్వకంగా కలవడం ఈ సందర్భంగా ప్రత్యేకతగా నిలిచింది.

నూతనంగా ఎన్నికైన ప్రజాప్రతినిధులందరికీ ఎంపీ పుట్టా మహేష్ కుమార్ యాదవ్ మరోసారి శుభాకాంక్షలు తెలియజేస్తూ, ప్రజా సంక్షేమం, స్థానిక ప్రాంతాల అభివృద్ధి లక్ష్యంగా అందరూ బాధ్యతతో పనిచేయాలని ఆకాంక్షించారు.