గాంధీ భవన్లో ముగిసిన పీఏసీ సమావేశం..
హైదరాబాద్: గాంధీ భవన్లో తెలంగాణ కాంగ్రెస్ రాజకీయ వ్యవహారాల కమిటీ (పీఏసీ) సమావేశం ముగిసింది. ఈ సమావేశంలో కేవలం నిర్దేశిత అజెండా అంశాలను మాత్రమే చర్చించాలని, ఇతర విషయాలను ప్రస్తావించవద్దని టీపీసీసీ అధ్యక్షుడు మహేష్కుమార్ గౌడ్ సభ్యులకు స్పష్టమైన ఆదేశాలు జారీ చేశారు.
సమావేశంలో భాగంగా రాష్ట్రంలో నెలకొననున్న 'ఎల్నినో' (El Niño) వాతావరణ పరిస్థితులు, సాగునీటి లభ్యతపై నీటిపారుదల శాఖ మంత్రి ఉత్తమ్కుమార్ రెడ్డి ప్రత్యేక ప్రజెంటేషన్ ఇచ్చారు. అనంతరం టీపీసీసీ చీఫ్ మహేష్గౌడ్ మీడియాతో మాట్లాడుతూ, రాష్ట్రంలో రూ. 13 వేల కోట్ల వ్యయంతో సాగునీటి పనులు చేపట్టబోతున్నట్లు వెల్లడించారు. రాబోయే రోజుల్లో నీటి ఎద్దడి తలెత్తకుండా ఉండేందుకు ప్రధానంగా చెరువుల పూడికతీత, మరమ్మతు పనులపై ప్రభుత్వం ప్రత్యేకంగా దృష్టి సారిస్తోందని ఆయన పేర్కొన్నారు.