సీఎంఆర్ఎఫ్ చెక్కు అందజేత అర్హులైన పేదలకు ముఖ్యమంత్రి సహాయనిధి అండగా నిలుస్తోంది
రామాయంపేట : ఆర్థిక ఇబ్బందులతో బాధపడుతున్న నిరుపేద కుటుంబాలకు ముఖ్యమంత్రి సహాయనిధి (సీఎంఆర్ఎఫ్) ఎంతో భరోసానిస్తోందని సర్పంచ్ ఉమా సంజీవరెడ్డి అన్నారు. రామాయంపేట మండల పరిధిలోని ఆర్. వెంకటాపూర్ గ్రామ పంచాయతీ కార్యాలయంలో గురువారం వై. రాజిరెడ్డి (తండ్రి సిద్ధారెడ్డి)కి మంజూరైన సీఎంఆర్ఎఫ్ చెక్కును సర్పంచ్ ఉమా సంజీవరెడ్డి కాంగ్రెస్ పార్టీ మండల అధ్యక్షుడు బండారి మహేందర్ రెడ్డి చేతుల మీదుగా అందజేశారు.
ఈ సందర్భంగా ఆమె మాట్లాడుతూ.. ఆర్థిక ఇబ్బందులతో వైద్య చికిత్సలు పొందలేని పేద, మధ్యతరగతి కుటుంబాలకు ముఖ్యమంత్రి సహాయనిధి ఎంతో ఉపయోగకరంగా ఉంటుందని పేర్కొన్నారు. అర్హులైన ప్రతి ఒక్కరికీ ప్రభుత్వ సంక్షేమ పథకాల ఫలాలు అందేలా ప్రజాప్రతినిధులు కృషి చేయాలని సూచించారు. ప్రజా సంక్షేమమే లక్ష్యంగా ప్రభుత్వం పనిచేస్తోందని తెలిపారు.
ఈ కార్యక్రమంలో మండల కాంగ్రెస్ పార్టీ అధ్యక్షుడు బండారు మహేందర్ రెడ్డి, ఉపసర్పంచ్ అనురాధ నరేశ్, మొదటి వార్డు సభ్యురాలు రేవతి గట్టయ్య, ఐదో వార్డు సభ్యురాలు నాగరాణి రాజాగౌడ్, ఏడో వార్డు సభ్యురాలు అక్షిత సంతోష్ తదితరులు పాల్గొన్నారు.