ముగిసిన గ్రంథాలయ వారోత్సవాలు
వింజమూరు, మేజర్ న్యూస్ : వింజమూరు శాఖ గ్రంథాలయంలో ఈనెల 14వ తేదీ నుండి శాఖ గ్రంథాలయ అధికారి జ్యోతి కొండయ్య ఆధ్వర్యంలో జరిగిన 59వ గ్రంథాలయ వారోత్సవాలలో భాగంగా గురువారం మహిళా దినోత్సవం శుక్రవారం గ్రంధాలయ వారోత్సవాలు ముగింపుతో కార్యక్రమాలను ముగించారు ముగింపు రోజున స్థానిక బాలుర ఉన్నత పాఠశాల ఉపాధ్యాయులకు ఘన సన్మానం చేశారు వారిలో పిడిఎన్ ప్రభాకర్ రెడ్డి ప్రసన్న కుమారి పిచ్చయ్య మండవ ప్రభాకర్ మాచర్ల ను శాలువా పూలమాలలతో ఘనంగా సత్కరించారు ఈ సందర్భంగా విద్యార్థిని విద్యార్థులకు చిత్రలేఖలు వ్యాసరచన వక్తృత్వ క్విజ్ పోటీలలో గెలుపొందిన వారికి బహుమతులను అందజేశారు ఈ సందర్భంగా పలు ఉపాధ్యాయులు మాట్లాడుతూ గ్రంథాలయాలు వాటి ప్రయోజనాలు వివరించారు వింజమూరు శాఖా గ్రంధాలయం విద్యాసంస్థలకు దగ్గరగా ఉండడంతో విద్యార్థులు గ్రంథాలయాన్ని పూర్తిస్థాయిలో వినియోగించుకోవాలన్నారు గ్రంథాలయాల ద్వారా ఉత్తమ జ్ఞానాన్ని పెంపొందించుకోవచ్చని తద్వారా తమ భవిష్యత్తుకు ఒక మార్గాన్ని ఎన్నుకోవచ్చు అన్నారు ఎంతో మంది మేధావులు గ్రంథాలయ ద్వారానే తమ జ్ఞానాన్ని పెంపొందించుకున్నారని తెలిపారు ఈ కార్యక్రమంలో విద్యార్థినీ విద్యార్థులు ఉన్నారు.