BREAKING
అనకాపల్లి జిల్లా పరిషత్ చైర్ పర్సన్ గా మోటూరు నాగమణి, వైస్ చైర్ పర్సన్ గా పెంటకోట స్వాతి ఏకగ్రీవ ఎన్నిక పోలవరం సర్పంచ్ అభ్యర్థిగా నామినేషన్ దాఖలు చేసిన శిరీష అన్నమయ్య జిల్లా జడ్పీ చైర్మన్,వైస్ చైర్మన్ల ఎన్నిక ఏకగ్రీవం : చైర్మన్‌గా సుగవాసి ప్రసాద్ బాబు,వైస్ చైర్మన్‌గా తలారి శరణ్య : ప్రిసైడింగ్ ఆఫీసర్,జిల్లా కలెక్టర్ నిశాంత్ కుమార్ వెల్లడి పోలవరం సర్పంచ్ అభ్యర్థిగా నామినేషన్ దాఖలు చేసిన శిరీష ముగిసిన 59వ జాతీయ గ్రంథాలయ వారోత్సవాలు : ప్రతిభ కనబరిచిన విద్యార్థులకు బహుమతుల ప్రదానం ఎమ్మెల్యే దగ్గుపాటి తనకు తాను సర్టిఫికెట్ లు ఇచ్చుకోవడం హాస్యాస్పదం మాజీ మేయర్ మహమ్మద్ వసీం శివాలయంలో ప్రత్యేక పూజలు నెల్లూరు జడ్పీ నూతన చైర్మన్, వైస్ చైర్మన్లకు ఎమ్మెల్యే కావ్య కృష్ణారెడ్డి శుభాకాంక్షలు భక్తిశ్రద్ధలతో 259వ గీతాజ్ఞాన కర్పూర యజ్ఞం కుందుర్పి జడ్పీటిసి గా ప్రమాణ స్వీకారం ఇందిరమ్మ జీవిత బీమాను సద్వినియోగం చేసుకోవాలి -- చైర్ పర్సన్ సుహాసిని కుమారుడికి కిడ్ని దానం చేసిన తల్లి.. పలు శుభకార్యాల్లో పాల్గొన్న వి. ప్రణవ్ బాబు పోలేరమ్మ గుడి పక్కన ఆటోలు అడ్డా... భక్తులకి తీవ్ర ఇక్కట్లు బిజెపి నాయకులుకమ్యూనిస్టులపై తప్పుడు ప్రచారలు అర్థరహితం..

ప్రశాంతంగా ముగిసిన పంచాయతీ నామినేషన్లు!

Select Suryaa Now
ప్రశాంతంగా ముగిసిన పంచాయతీ నామినేషన్లు!

ప్రశాంతంగా ముగిసిన పంచాయతీ నామినేషన్లు!

- మూడు రోజుల్లో సర్పంచ్ స్థానాలకు 139, వార్డులకు 487 నామినేషన్లు

- చివరి రోజు సర్పంచ్ స్థానాలకు 70, వార్డులకు 217 దాఖలు

- నన్నూరులో సర్పంచ్ స్థానంపై టీడీపీ వర్గాల మధ్య పోటీ

ఓర్వకల్లు మేజర్ న్యూస్:

ఓర్వకల్లు మండలంలో గ్రామ పంచాయతీ ఎన్నికల నామినేషన్ల ప్రక్రియ శుక్రవారంతో ప్రశాంతంగా ముగిసింది. మండలంలోని 22 గ్రామ పంచాయతీల్లో సర్పంచ్ స్థానాలకు మూడు రోజుల్లో 139 నామినేషన్లు, 220 వార్డు సభ్యుల స్థానాలకు 487 నామినేషన్లు దాఖలైనట్లు ఎంపీడీవో నాగ అనసూయ తెలిపారు.

మొదటి రోజు సర్పంచ్ స్థానాలకు 13, వార్డు సభ్యుల స్థానాలకు 36 నామినేషన్లు దాఖలయ్యాయి. రెండో రోజు సర్పంచ్ స్థానాలకు 56, వార్డు సభ్యుల స్థానాలకు 234 నామినేషన్లు వచ్చాయి. చివరి రోజైన శుక్రవారం సర్పంచ్ స్థానాలకు 70, వార్డు సభ్యుల స్థానాలకు 217 నామినేషన్లు దాఖలయ్యాయి.

నన్నూరులో ఏకగ్రీవాలపై చర్చ

నన్నూరు గ్రామంలోని 16 వార్డు సభ్యుల స్థానాలకు టీడీపీ తరఫున ఎనిమిది మంది, వైసీపీ తరఫున ఏడుగురు, సీపీఎం తరఫున ఒకరు నామినేషన్లు దాఖలు చేశారు. ప్రతి వార్డుకు ఒక్కొక్కరు మాత్రమే నామినేషన్ దాఖలు చేయడంతో అన్ని వార్డులు ఏకగ్రీవం కానున్నాయనే చర్చ సాగుతోంది. అయితే నామినేషన్ల పరిశీలన అనంతరమే దీనిపై స్పష్టత రానుంది.

మరోవైపు సర్పంచ్ స్థానానికి వైసీపీ నుంచి ఎవరూ నామినేషన్ దాఖలు చేయలేదు. కూటమి బలపరిచిన అభ్యర్థిగా శ్రీపతి బుజ్జప్ప సతీమణి రూపావాణి నామినేషన్ వేశారు. టీడీపీలోని బైరెడ్డి వర్గానికి చెందిన ఖలీల్ తన భార్య మునవర్ బేగంను రెబల్ అభ్యర్థిగా మొదటి రోజే బరిలోకి దించారు. దీంతో నన్నూరులో సర్పంచ్ స్థానానికి టీడీపీలోని రెండు వర్గాల మధ్య పోటీ నెలకొంది.

ఏకగ్రీవం కోసం రాజీ ప్రయత్నాలు

నన్నూరు సర్పంచ్ స్థానాన్ని ఏకగ్రీవం చేసేందుకు ఇరువర్గాల మధ్య రాజీ కుదిర్చే ప్రయత్నాలు జరుగుతున్నట్లు సమాచారం. ఇందులో భాగంగా ఓ అధికారి కూడా చొరవ తీసుకుంటున్నట్లు తెలుస్తోంది. మరోవైపు కూటమి నాయకులు ఖలీల్‌తో చర్చలు జరుపుతూ ఆయన భార్య మునవర్ బేగం నామినేషన్ ఉపసంహరించుకునేలా ప్రయత్నిస్తున్నట్లు స్థానికంగా ప్రచారం జరుగుతోంది. ఈ ప్రయత్నాలు ఫలించి మునవర్ బేగం నామినేషన్ ఉపసంహరించుకుంటారా? లేక పోటీలో కొనసాగుతారా? అన్నది ఇప్పుడు చర్చనీయాంశంగా మారింది.

నామినేషన్ల ప్రక్రియ సందర్భంగా ఎలాంటి అవాంఛనీయ సంఘటనలు చోటుచేసుకోకుండా కర్నూలు రూరల్ సీఐ చంద్రబాబు నాయుడు, ఎస్‌ఐ సునీల్ కుమార్ ఆధ్వర్యంలో పోలీసులు పటిష్ట బందోబస్తు నిర్వహించారు.