కోలాహలంగా సాగిన మీరావలి నామినేషన్
మర్రిపాడు, మేజర్ న్యూస్ : మర్రిపాడు మండలంలోని నాగినేనిగుంట పంచాయితీ సర్పంచ్ అభ్యర్థి షేక్ మీరావలి నామినేషన్ శుక్రవారం కోలాహలంగా సాగింది. తన నివాసం నుంచి ప్రత్యేక వాహనాల్లో ఓటర్లతో కలిసి నామినేషన్ కేంద్రమైన సింగనపల్లి సచివాలయానికి తరలి వెళ్లారు. బాణసంచా పేలుస్తూ కాన్వాయ్ తో మరియు ఆటోల్లో, మోటార్ సైకిళ్లలో తనకు మద్దతు తెలిపిన ఓటర్లతో కలిసి వెళ్లడంతో ప్రతి ఒక్కరూ నివ్వెర పోక తప్పలేదు. పంచాయితీ పరిధిలోని నాగినేని గుంట గ్రామంతో పాటుగా ఏనేపల్లి, మిట్టపాలెం, బాట గ్రామాలకు చెందిన దాదాపు 300 మందికి పైగా నామినేషన్ కేంద్రానికి తరలి వెళ్లడంతో విజయానికి సంకేతాన్ని సూచించింది. ఆ నామినేషన్ ప్రక్రియలో పాల్గొన్న ఓటర్లకు అభ్యర్థి మీరావలి అన్నదాన కార్యక్రమాన్ని కూడా నిర్వహించారు. దీంతో ఆ పంచాయతీలో ఎన్నికల సందడి నెలకొందని చెప్పవచ్చు.