రంగంపేటలో ఘనంగా ముఖ్యమంత్రి రేవంత్ రెడ్డి జన్మదిన వేడుకలు

కొల్చారం ...కొల్చారం మండల రంగంపేట గ్రామంలో గ్రామ కాంగ్రెస్ పార్టీ శాఖ అధ్యక్షుడు గొండ కృష్ణ ఆధ్వర్యంలో తెలంగాణ రాష్ట్ర ముఖ్యమంత్రి ఎనుముల రేవంత్ రెడ్డి జన్మదిన వేడుకలను కాంగ్రెస్ పార్టీ నాయకులు ఘనంగా నిర్వహించారు. ఈ కార్యక్రమానికి ముఖ్య అతిథిగా కొల్చారం మండల కాంగ్రెస్ పార్టీ అధ్యక్షుడు నాగుల మల్లేశం గౌడ్ హాజరై కేక్ కట్ చేసి నాయకులు, కార్యకర్తలతో కలిసి ముఖ్యమంత్రి జన్మదిన వేడుకలను ఘనంగా జరుపుకున్నారు.
ఈ సందర్భంగా మల్లేశం గౌడ్ మాట్లాడుతూ పేదల పెన్నిధి, బడుగు బలహీన వర్గాల ఆశాజ్యోతి, తెలంగాణ అభివృద్ధి ప్రదాతగా ప్రజాపాలన అందిస్తున్న ముఖ్యమంత్రి రేవంత్ రెడ్డి అష్టైశ్వర్యాలతో, ఆయురారోగ్యాలతో నిండు నూరేళ్లు జీవించాలని ఆకాంక్షించారు. తెలంగాణ రాష్ట్రాన్ని మరింత అభివృద్ధి పథంలో నడిపిస్తూ దేశవ్యాప్తంగా మంచి పేరు ప్రఖ్యాతలు సంపాదించాలని కోరుకున్నారు.