మిరియాల వెంకట్రావుకు ఘన నివాళులు

రావులపాలెం: మేజర్ న్యూస్ కాపు సామాజిక వర్గ ఐక్యత, అభ్యున్నతి, హక్కుల సాధనకు జీవితాన్ని అంకితం చేసిన మహనీయుడు కాపునాడు వ్యవస్థాపక అధ్యక్షులు మిరియాల వెంకట్రావు అని రాష్ట్ర కాపు ఉద్యమ నేత ఆకుల రామకృష్ణ కొనియాడారు.
మిరియాల వెంకట్రావు 13వ వర్ధంతి సందర్భంగా మంగళవారం రావులపాలెంలోని శ్రీకృష్ణదేవరాయ కాపు కళ్యాణ మండపం వద్ద ఘనంగా నివాళులర్పించారు. సంఘం అధ్యక్షులు నందం వీర వెంకట సత్యనారాయణ ఆధ్వర్యంలో జరిగిన ఈ కార్యక్రమంలో ఆకుల రామకృష్ణ, కాపు జేఏసీ నాయకులు పాల్గొని ఆయన చిత్రపటానికి పూలమాలలు వేసి నివాళులర్పించారు.
ఈ సందర్భంగా నాయకులు మాట్లాడుతూ మిరియాల వెంకట్రావు సేవలు, ఆశయాలు భావితరాలకు స్ఫూర్తిదాయకమని, ఆయన ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు.

కార్యక్రమంలో అరేటి ప్రకాష్, వాసిరెడ్డి ఏసుదాసు, నందం కాశీవిశ్వనాథ్, సిద్ధిరెడ్డి శ్రీనివాస్ తదితర కాపు నాయకులు, యువత పాల్గొన్నారు.