ఎం.డి.ఆర్.టి. అర్హత సాధించిన కర్రీ అజయ్ రెడ్డి

                                     ఎల్ఐసీ రంగంలో ప్రతిభ చాటిన కొమరిపాలెం యువకుడు.

 బిక్కవోలు మేజర్ న్యూస్.కృషి, పట్టుదల, నిరంతర శ్రమ ఉంటే ఏ రంగంలోనైనా ఉన్నత శిఖరాలను అధిరోహించవచ్చని కొమరిపాలెం గ్రామానికి చెందిన ఎల్ఐసీ ఏజెంట్ కర్రీ అజయ్ రెడ్డి నిరూపించారు. తూర్పుగోదావరి జిల్లా అనపర్తి నియోజకవర్గం బిక్కవోలు మండలం కొమరిపాలెం గ్రామానికి చెందిన ఆయన ప్రతిష్టాత్మకమైన మిలియన్ డాలర్ రౌండ్ టేబుల్ (ఎం.డి.ఆర్.టి.) అర్హత సాధించి తన ప్రతిభను చాటుకున్నారు. రామచంద్రపురం ఎల్ఐసీ బ్రాంచ్ పరిధిలో మొదటి స్థానాన్ని సాధించడం విశేషం.ఎల్ఐసీ ఏజెంట్‌గా బాధ్యతలు చేపట్టిన కొద్ది కాలంలోనే తనదైన శైలిలో సేవలందిస్తూ మంచి గుర్తింపు తెచ్చుకున్నారు. బీమా పాలసీల ప్రాముఖ్యత, వాటి ద్వారా లభించే ప్రయోజనాలను ప్రజలకు వివరించడంలో ప్రత్యేక శ్రద్ధ చూపుతున్నారు. చిన్నారులు, మహిళలు, రైతులు, వ్యాపారస్తుల అవసరాలకు అనుగుణంగా అందుబాటులో ఉన్న వివిధ బీమా పథకాల గురించి సోషల్ మీడియా వేదికగా అవగాహన కల్పిస్తూ పలువురికి మార్గదర్శకంగా నిలుస్తున్నారు.కేవలం పాలసీల విక్రయానికే పరిమితం కాకుండా, ప్రజలకు ఆర్థిక భద్రత కల్పించడమే లక్ష్యంగా ముందుకు సాగుతున్నారు. ప్రజలకు బీమా పట్ల అవగాహన కల్పిస్తూ, అధిక సంఖ్యలో పాలసీదారులను ఎల్ఐసీ పరిధిలోకి తీసుకురావడంలో కృషి చేస్తున్నారు. ఈ క్రమంలోనే ఎం.డి.ఆర్.టి. అర్హత సాధించి బ్రాంచ్ స్థాయిలో ప్రథమ స్థానంలో నిలవడం ఆయన కృషికి నిదర్శనంగా నిలిచింది.ఈ సందర్భంగా రామచంద్రపురం ఎల్ఐసీ బ్రాంచ్ మేనేజర్ చిట్టిబాబు, అసిస్టెంట్ మేనేజర్ జగన్మోహన్ రావు, డెవలప్‌మెంట్ ఆఫీసర్ కర్రీ వెంకట్ రెడ్డి, ఎల్ఐసీ సిబ్బంది, గ్రామ ప్రజలు కర్రీ అజయ్ రెడ్డిని అభినందించారు. భవిష్యత్తులో మరిన్ని ఉన్నత లక్ష్యాలను సాధించి ఎల్ఐసీ సంస్థకు, కొమరిపాలెం గ్రామానికి మంచి పేరు తీసుకురావాలని ఆకాంక్షించారు.