రైతు సంఘం జాతీయ మహాసభలను విజయవంతం చేయాలి

మంచాల, మేజర్ న్యూస్::అఖిలభారత రైతు సంఘం జాతీయ మహాసభలను విజయవంతం చేయాలని సీపీఎం జిల్లా కార్యదర్శి బోడ సామెల్, రైతు సంఘం జిల్లా అధ్యక్షుడు కాడిగల భాస్కర్ పిలుపునిచ్చారు. బుధవారం మంచాల మండల కేంద్రంలోని కాచం కృష్ణమూర్తి భవన్‌లో సీపీఎం మండల కమిటీ సమావేశం నిర్వహించారు. ఈ సమావేశానికి  హాజరై వారు మాట్లాడుతూ.. నవంబర్ 15, 16, 17 తేదీల్లో నల్లగొండ జిల్లా కేంద్రంలో మూడు రోజులపాటు అఖిలభారత రైతు సంఘం జాతీయ మహాసభలు జరగనున్నాయని తెలిపారు. ఇందులో భాగంగా నవంబర్ 15న నిర్వహించే బహిరంగ సభకు పార్టీ శ్రేణులు, రైతులు అధిక సంఖ్యలో తరలివచ్చి విజయవంతం చేయాలని కోరారు. ఈ సందర్భంగా జాతీయ మహాసభల కరపత్రాన్ని ఆవిష్కరించారు. ఈ కార్యక్రమంలో సీపీఎం మంచాల మండల కార్యదర్శి రావుల జంగయ్య, జిల్లా కమిటీ సభ్యులు కర్నాటి శ్రీనివాస్ రెడ్డి, ఎన్. శ్యాంసుందర్, మండల కార్యదర్శివర్గ సభ్యులు మార బుగ్గ రాములు, ఆర్. స్వామి, మండల కమిటీ సభ్యులు పోచమోని కృష్ణ, పి. గోపాల్, అన్నారం లెనిన్, యాట జగన్, పగడాల విజయ, రైతు సంఘం మండల అధ్యక్షుడు లట్టుపల్లి శేఖర్ రెడ్డి, జపాల్ గ్రామ శాఖ కార్యదర్శి కుకూడల పాపిరెడ్డి, మథని జంగయ్య, తిప్పాయిగూడ శాఖ కార్యదర్శి బుర్రి సుధాకర్ తదితరులు పాల్గొన్నారు.

✍️ఎర్ర లింగం, మేజర్ న్యూస్, మంచాల, రంగారెడ్డి జిల్లా.