కిడ్నీ బాధితురాలికి రూ.4 లక్షల ఎల్‌ఓసీ మంజూరు
వైద్య చికిత్సకు అండగా నిలిచిన ఎమ్మెల్యే సబితా ఇంద్రారెడ్డి
కందుకూరు, మేజర్ న్యూస్:
కిడ్నీ వ్యాధితో బాధపడుతున్న పేద మహిళకు మహేశ్వరం ఎమ్మెల్యే, మాజీ మంత్రి పి. సబితా ఇంద్రారెడ్డి అండగా నిలిచారు. కందుకూరు మండలం కొత్తగూడ గ్రామానికి చెందిన కుమ్మరి శంకరమ్మ కిడ్నీ సంబంధిత వ్యాధితో బాధపడుతూ వైద్య చికిత్స పొందుతున్న విషయాన్ని స్థానిక నాయకుల ద్వారా తెలుసుకున్న ఎమ్మెల్యే మానవతా దృక్పథంతో స్పందించారు.
బాధితురాలి వైద్య చికిత్స నిమిత్తం ముఖ్యమంత్రి సహాయ నిధి (సీఎంఆర్‌ఎఫ్) ద్వారా రూ.4 లక్షల విలువైన ఎల్‌ఓసీ (లెటర్ ఆఫ్ క్రెడిట్) మంజూరయ్యేలా కృషి చేశారు. ఆర్థిక ఇబ్బందుల కారణంగా వైద్య చికిత్స పొందలేక ఇబ్బందులు ఎదుర్కొంటున్న పేద కుటుంబాలకు ప్రభుత్వం అండగా ఉంటుందని ఈ సందర్భంగా ఆమె పేర్కొన్నారు.
ఎమ్మెల్యే చొరవతో వైద్య చికిత్సకు ఆర్థిక సహాయం అందడంతో బాధిత కుటుంబ సభ్యులు సబితా ఇంద్రారెడ్డికి ప్రత్యేక కృతజ్ఞతలు తెలిపారు. ఈ కార్యక్రమంలో మార్కెట్ కమిటీ మాజీ డైరెక్టర్ సామ ప్రకాష్ రెడ్డి తదితరులు పాల్గొన్నారు.
టి. శ్రీనివాస్, మేజర్ న్యూస్, కందుకూర్, రంగారెడ్డి జిల్లా.
