ఖానాపూర్‌లో మౌలానా అబుల్ కలాం ఆజాద్ జయంతి వేడుకలు

సూర్య ఖానాపూర్ :  భారత స్వాతంత్ర్య సమరయోధుడు, స్వతంత్ర భారతదేశ తొలి విద్యాశాఖ మంత్రి, భారతరత్న పురస్కార గ్రహీత మౌలానా అబుల్ కలాం ఆజాద్ జయంతి వేడుకలను బుధవారం ఖానాపూర్ పట్టణంలోని జూనియర్ కళాశాలలో ఘనంగా నిర్వహించారు.ఈ సందర్భంగా మౌలానా అబుల్ కలాం ఆజాద్ చిత్రపటానికి పూలమాలలు వేసి ఘనంగా నివాళులర్పించారు.ఈ కార్యక్రమంలో పాల్గొన్న వక్తలు మాట్లాడుతూ, భారతదేశ విద్యావ్యవస్థ పటిష్టతకు, విద్యారంగంలో సంస్కరణలకు మౌలానా ఆజాద్ చేసిన సేవలు చిరస్మరణీయమని కొనియాడారు. విద్య ద్వారానే సమాజంలో అభివృద్ధి సాధ్యమవుతుందని పేర్కొన్నారు. ముఖ్యంగా బాలికలు విద్యలో ముందుండి, ఉన్నత విద్యను అభ్యసించి జీవితంలో ఉన్నత శిఖరాలను అధిరోహించాలని పిలుపునిచ్చారు.స్వాతంత్ర్య భారత నిర్మాణంలో మౌలానా అబుల్ కలాం ఆజాద్ చేసిన కృషి మరువలేనిదని, జాతీయ సమైక్యత, మతసామరస్యం, విద్యాభివృద్ధి కోసం ఆయన చేసిన సేవలు తరతరాలకు స్ఫూర్తిదాయకమని నాయకులు పేర్కొన్నారు.ఈ కార్యక్రమంలో ఖానాపూర్ మున్సిపల్ వైస్ చైర్మన్ షోయబ్ హుస్సేన్, కౌన్సిలర్ నిమ్మల రమేష్, ఏజీపీ ఆసిఫ్ అలీ, మాజీ వైస్ చైర్మన్ అబ్దుల్ ఖాలీల్, న్యాయవాది షబ్బీర్ పాష , ఎండీసీ అధ్యక్షులు ఇర్ఫాన్ దానిష్, ఎంపీజే అధ్యక్షులు న్యాయవాది షేక్ ఖదీర్, ఎంఐఎం అధ్యక్షులు అఖిల్,అఫ్సర్ ఖాన్, బీఆర్ఎస్ పార్టీ నాయకులు డా. కె.హెచ్. ఖాన్, షేక్ నసీర్, షకీలుద్దీన్, వహాబ్, అజీమ్, సఫ్దర్, కరీం కాలనీ మసీదు అధ్యక్షులు వాసే ఖాన్ తదితరులు పాల్గొన్నారు.