కుటుంబ సమేతంగా తిరుమల శ్రీవారిని దర్శించుకున్న డీసీసీ అధ్యక్షుడు ధారాసింగ్ నాయక్

తాండూరు, మేజర్ న్యూస్:వికారాబాద్ జిల్లా కాంగ్రెస్ పార్టీ అధ్యక్షుడు జాదవ్ ధారాసింగ్ నాయక్ కుటుంబ సమేతంగా బుధవారం తిరుమల శ్రీవేంకటేశ్వర స్వామివారిని దర్శించుకున్నారు. తన సతీమణి తారాబాయితో పాటు కుమారుడు, కోడలు, కుమార్తె, మనుమలు, మనుమరాళ్లతో కలిసి శ్రీవారి ప్రత్యేక దర్శనం చేసుకుని స్వామివారి ఆశీస్సులు పొందారు.ఈ సందర్భంగా ప్రతి ఒక్కరికీ మంచి జరగాలని, ప్రజలందరూ సుఖసంతోషాలతో, ఆయురారోగ్యాలతో ఉండాలని శ్రీవారిని ప్రార్థించినట్లు తెలిపారు. ధారాసింగ్ నాయక్ తరచూ తిరుమల శ్రీవారి సన్నిధికి వెళ్లి స్వామివారిని దర్శించుకుంటుంటారు. కుటుంబ సభ్యులతో కలిసి శ్రీవారిని దర్శించుకోవడం పట్ల ఆయన ఆనందం వ్యక్తం చేశారు.