మౌలానా అబుల్ కలాం ఆజాద్ సేవలు చిరస్మరణీయం - కలెక్టర్ చిత్రా మిశ్రా

సూర్య కరీంనగర్ ప్రతినిధి : భారత తొలి విద్యాశాఖ మంత్రి, స్వాతంత్ర్య సమరయోధుడు మౌలానా అబుల్ కలాం ఆజాద్ విద్యారంగానికి చేసిన సేవలు చిరస్మరణీయమని కలెక్టర్ చిత్రా మిశ్రా అన్నారు. బుధవారం పాత కలెక్టరేట్ కాన్ఫరెన్స్ హాలులో మైనారిటీ సంక్షేమ శాఖ ఆధ్వర్యంలో నిర్వహించిన జాతీయ విద్యా దినోత్సవం, మైనారిటీ సంక్షేమ దినోత్సవంలో ఆమె మాట్లాడారు. విద్యాభివృద్ధి, లౌకికవాదం, జాతీయ సమైక్యతకు ఆజాద్ చేసిన కృషి మరువలేనిదని, ప్రతి ఒక్కరికీ నాణ్యమైన విద్య అందించడమే ఆయనకు నిజమైన నివాళి అని పేర్కొన్నారు. అనంతరం వ్యాసరచన, ఉపన్యాస పోటీల్లో ప్రతిభ కనబరిచిన విద్యార్థులకు బహుమతులు అందజేశారు.ఈ కార్యక్రమంలో అదనపు కలెక్టర్ శ్రీనివాస్ రెడ్డి, స్పెషల్ డిప్యూటీ కలెక్టర్ రాజేశ్వరి, డీఆర్ఓ స్వామి, మైనారిటీ సంక్షేమ అధికారి జలాలుద్దీన్ అక్బర్, డీఈఓ తిరుపతిరావు, బీసీ సంక్షేమ అధికారి అనిల్ ప్రకాష్, కలెక్టరేట్ సూపరింటెండెంట్లు కాళీచరణ్, మాధవి, యమున, తాజుద్దీన్, కార్పొరేటర్లు మహ్మద్ యూసుఫ్, హుంస, మైనారిటీ నాయకులు ఎంఏ సిరాజ్, సిరాజ్ హుస్సేన్, ఎస్ఏ మొహాసేన్, అబ్బాస్ సమీ, మహమ్మద్ జమీల్, ముఖద్ రియాజ్ అలీ, రజజ్వి, షోబు, రహమాన్, నవాజ్, బర్కత్ అలీ తదితరులు పాల్గొన్నారు.