వీళ్లే విజేతలు ...

గజపతినగరం, సూర్య :  రాజ్యాంగ దినోత్సవాన్ని పురస్కరించుకొని స్థానిక ప్రభుత్వ బాలికల ఉన్నత పాఠశాలలో బుధవారం నియోజకవర్గస్థాయి మాక్ అసెంబ్లీ పోటీలు  జరిగాయి. ఈ పోటీలలో గజపతినగరం, దత్తి రాజేరు, మెంటాడ, బోండపల్లి, గంట్యాడ మండలాల నుంచి ప్రధమ, ద్వితీయ, తృతీయ స్థానాలలో నిలిచిన విద్యార్థులు పాల్గొన్నారు. 5 మండలాల నుంచి పాల్గొన్న  15 మంది విద్యార్థుల మధ్య జరిగిన ఈ పోటీలలో న్యాయ  నిర్నేతలు విద్యార్థులు ప్రతిభ ఆధారంగా ముగ్గురు విద్యార్థులను ప్రధమ, ద్వితీయ, తృతీయ స్థానాలకు ఎంపిక చేశారు. ప్రథమ స్థానంలో ఏ. ప్రీతి (గంట్యాడ, మోడల్ స్కూల్ మధనాపురం) ద్వితీయ స్థా నంలో శ్రీ లలిత (దత్తి రాజేరు, మరడం హై స్కూల్) తృతీయ స్థానం ఆర్ .కావ్యశ్రీ ( గంట్యాడ జడ్పీ హైస్కూల్, లక్కీడాo) నిలిచారు. ఈ కార్యక్రమంలో ఎంఈఓ ఎస్. విమలమ్మ, ప్రధానోపాధ్యాయులు సిహెచ్ రమేష్ కుమార్, న్యాయ నిర్నేతలు గా వ్యవహరించిన సాంఘిక శాస్త్ర ఉపాధ్యాయులు అడ్డూరి పైడితల్లి, జామి రవికుమార్, ఎస్. రాంబాబు, రవి కృష్ణ పాల్గొన్నారు.