డిఆర్యుసిసి సభ్యునిగా గొట్టికాటి రవీంద్రా రెడ్డి రైల్వే సేవల అభివృద్ధి కమిటీలో గొట్టికాటికి స్థానంపై పలువురి హర్షం

చిట్టమూరు మేజర్ న్యూస్

తిరుపతి జిల్లా చిట్టమూరు మండలం మొలకలపూడికి చెందిన గొట్టికాటి రవీంద్రా రెడ్డి విజయవాడ డివిజన్ రైల్వే యూజర్స్ కన్సల్టేటివ్ కమిటి (డిఆర్యుసిసి) సభ్యులుగా నామినేట్ అయ్యారు.2026 సెప్టెంబర్ 1 నుంచి 2028 ఆగస్టు 31 వరకు రెండేళ్ల పాటు ఆయన ఈ పదవిలో కొనసాగనున్నారు.ఆ మేరకు విజయవాడ డివిజనల్ రైల్వే మేనేజర్ బి ప్రశాంత్ కుమార్ ద్వారా నవంబర్ 9వ తేదీన అధికారికంగా ఉత్తర్వులు అందినట్లు రవీంద్రా రెడ్డి తెలిపారు. విజయవాడ రైల్వే అధికారులతో మాట్లాడి తనకు ఈ కమిటీలో సభ్యత్వం కల్పించడంలో కీలక పాత్ర పోషించిన తిరుపతి ఎంపీ మద్దిల గురుమూర్తికి ప్రత్యేక కృతజ్ఞతలు తెలియజేశారు.రైల్వే ప్రయాణికుల సమస్యలు,రైల్వే స్టేషన్లలో మౌలిక వసతులు,ప్రయాణికులకు కల్పించాల్సిన సౌకర్యాలు,రైళ్ల రాకపోకలకు సంబంధించిన అంశాలపై చర్చించే ఈ కమిటీలో సభ్యునిగా రైల్వే అధికారులకు తగిన సూచనలు, సలహాలు అందించే అవకాశం లభించిందన్నారు.మొలకలపూడికి చెందిన వ్యక్తికి విజయవాడ రైల్వే డివిజన్ స్థాయిలో ప్రాతినిధ్యం లభించడం గర్వకారణమని స్థానికులు పలువురు హర్షం వ్యక్తం చేస్తూ గొట్టికాటి రవీంద్రా రెడ్డికి శుభాకాంక్షలు తెలియజేశారు.రైల్వే ప్రయాణికుల సమస్యలను అధికారుల దృష్టికి తీసుకెళ్లడంతో పాటు, ప్రయాణికులకు మెరుగైన సౌకర్యాలు కల్పించే దిశగా తన వంతు కృషి చేస్తానని ఈ సందర్భంగా మేజర్ న్యూస్‌కు తెలిపారు.

అంపల్లి మురళి చిట్టమూరు మేజర్ న్యూస్