ఉపాధి పనులను పరిశీలించిన-ఎంపీడీఓ

నవాబుపేట సూర్య న్యూస్: నవాబుపేట మండలంలోని కోళ్లగుట్ట తండాలో బుధవారం ఉపాధి హామీ పథకం కింద చేపడుతున్న కందకాల తవ్వకం,మ్యాజిక్ సోక్‌పిట్ పనులను ఎంపీడీవో జయరాం నాయక్ బుధవారం పరిశీలించారు.ఈ సందర్భంగా పనులు చేస్తున్న ఉపాధి హామీ కూలీలతో మాట్లాడి వారి సమస్యలు,పనుల వివరాలను అడిగి తెలుసుకున్నారు.కూలీలు ఉపాధి పనులను సద్వినియోగం చేసుకుంటూ,నిబంధనల ప్రకారం పనులు చేపట్టాలని సూచించారు.గ్రామంలో చేపడుతున్న పనులు నాణ్యతతో పూర్తి చేయాలని సంబంధిత సిబ్బందికి సూచించారు.ఈ కార్యక్రమంలో గ్రామ సర్పంచ్ గుములమ్మ,భాస్కర్,పంచాయతీ కార్యదర్శి,ఉపాధి హామీ కూలీలు తదితరులు పాల్గొన్నారు.